'/%3E%3C/svg%3E){kind=small}
စစ်ကိုင်းတိုင်း၊ စစ်ကိုင်းမြို့နယ်တွင် ယမန်နေ့ညက ပျူစောထီးအဖွဲ့ဝင်တစ်ဦးရှင်းလင်းခံရပြီး စစ်ကောင်စီခန့် ရပ်ကျေး အုပ်ချုပ်ရေးမှူး တစ်ဦးအိမ် ဗုံးပေါက်ကွဲခဲ့ကြောင်း ဒေသခံများက ပြောသည်။
နိုဝင်ဘာလ ၁၅ ရက် ည ၈း၃၀ ခန့်ကစစ်ကိုင်းမြို့နယ်၊ ဆင်မြေရွာမှ တပ်ကြပ်ကြီးတတစ်ဦး၏ညီဖြစ်သူ၊ စစ်ကောင်စီသတင်းပေးလည်းဖြစ်ပြီး ပျူစောထီးအဖွဲ့ဝင်ဟုလည်း လူပြောများနေသူ အမျိုးသားတစ်ဦးအား အဖွဲ့တစ်ဖွဲ့ကလာရောက်ပစ်ခတ်သွားကြောင်း ဒေသခံများက ပြောသည်။
“သူသတင်းပေးလို့ ရပ်ရွာကတိမ်းရှောင်နေရတဲ့သူတွေလည်းရှိတယ်ပြောတယ်။ သူသေမသေတော့မသိရသေးဘူး။”ဟု စစ်ကိုင်းဒေသခံတစ်ဦးက ပြောသည်။
ထိုအပြင် ညနေ ၆ နာရီဝန်းကျင်ကလည်း စစ်ကိုင်းမြို့နယ်၊ ဝါးချက်ကျေးရွာရှိ စစ်ကောင်စီခန် အုပ်ချုပ်ရေးမှုး နေအိမ် ပေါက်ကွဲမှုဖြစ်ပွားခဲ့ကြောင်း ဒေသခံများက ပြောသည်။
Public Service Announcement
လူထိခိုက်မှုမရှိဘဲ သတိပေးရုံဖောက်ခွဲခြင်းဖြစ်နိုင်ကြောင်း၊ အဆိုပေါက်ကွဲမှုဖြစ်ပွားအပြီး ည၇နာရီ ၃၀မိနစ်ခန့်တွင် အကြမ်းဖက်စစ်ကောင်စီတပ်သားများရောက်ရှိလာကာ စစ်ဆေးမှုများပြုလုပ်သွားကြောင်း ဒေသခံများက ပြောသည်။
အောက်တိုဘာလ ၂၀ ရက်နေ့ကလည်း ဆင်မြေရွာရှိ ပျူစောထီးခေါင်းဆောင်တစ်ဦးအား အဖွဲ့တစ်ခုမှလာရောက်ပစ်ခတ်သွားခဲ့ဖူးသည်။
