မန္တလေးကနေဗန်းမော်သွားတဲ့စစ်သင်္ဘောတွေ တိုက်ခိုက်ခံရ

ဇူလိုင်-၁၉၊၂၀၂၅။မေ/People’ Spring

မန္တလေးမြို့ကနေ ဗန်းမော်ကိုစစ်ကူသွားတဲ့ စစ်သင်္ဘောတွေတိုက်ခိုက်ခံရပြီး တစ်စီးမြှုပ်သွားကာ သုံးစီးခန့် စက်ခန်းတွေ ထိခိုက်သွားတယ်လို့ တော်လှန်ရေးတပ်ဖွဲ့ဝင်အချို့က​ပြောပါတယ်။

ဧရာဝတီမြစ်အတွင်းတစ်​နေရာမှာ ​တော်လှန်​ရေးတပ်​တွေက တိုက်ခိုက်ခံခဲ့ရတာလို့ သိရပါတယ်။

“အခုထိတိုက်ပွဲဖြစ်နေတာ။လေယာဉ်တွေလည်း ဆက်တိုက်ကြဲနေတယ်။သပိတ်ကျင်းနဲ့ခင်ဦးနယ်စပ်က အပြည်ပြည်ဆိုင်ရာ လေဆိပ်ကြီးလိုပဲ “လို့ ဒေသခံတဦးက စစ်တပ်က​လေ​ကြောင်းမှပစ်ကူ​ပေးခုခံ​နေတာကို ယ​နေ့ည ၇ နာရီ ခွဲခန့်မှာပြောပါတယ်။

Public Service Announcement

လက်တလော သိရတဲ့သတင်းအရသံခွန် ၁စီး မြှုပ်သွားပြီး စက်ခန်းပျက်ကာ ရေထဲမျော​နေတဲ့ စစ်သ​သင်္ဘောတွေကို တွန်းသင်္ဘောတွေနဲ့ ပြန်ဆွဲကာ ဆန်တက်နေတယ်လို့ သိရပါတယ်။

စစ်ကောင်စီဘက်က Y-12၊ Mi-35 တိုက်ခိုက်​ရေးရဟတ်ယာဥ်​တွေနဲ့ တရစပ်ဗုံးကြဲတာနေတယ်လို့ သိရပါတယ်။စစ်တပ်​ရေယာဥ်​တွေတိုက်ခိုက်ခံရတာကို စစ်တပ်မှာလည်း သတင်းတက်​နေပြီလို့စုံစမ်းသိရပါတယ် ။

မန္တလေးကနေ ဗန်းမော်မြိုကို စစ်ကူပို့ဖို့ ဇူလိုင်လ၁၇ ရက်နေ့က စစ်တပ်က ​​ဂေါဝိန်ဆိပ်ကမ်းက စစ်သင်္ဘော၅စီးနဲ့တွဲ သင်္ဘော ၇ စီးတို့နဲ့ဆန်တက်လာခဲ့တာပါ ။

ဇူလိုင် ၁၇ ရက်ညက ဝက်လက်မြို့နယ်၊ရှိမ်းမကားကျေးရွာရဲ့အ ရှေ့ဘက်ကမ်းမှာ ညအိပ်ကာအဲဒီမြောက်ဘက်က ကျေးရွာတွေကို လေကြောင်းတိုက်ခိုက်ခဲ့တာမို့ ပြည်သူ ၂၀ ဦးခန့်သေဆုံးပြီး ၃၀ ခန့်ဒဏ်ရာရခဲ့ပါတယ်။