ဇူလိုင်-၂၅၊ ၂၀၂၅။ People’s Spring
အာဏာသိမ်းစစ်ကောင်စီကို အရေးယူပိတ်ဆို့မှုတိုးချဲ့ဖို့ရည်ရွယ်တဲ့ ဥပဒေမူကြမ်းသုံးခုကို အမေရိကန်အောက်လွှတ်တော်ကော်မတီက ဇူလိုင် ၂၂ရက် တစ်ရက်တည်းအတည်ပြုလိုက်ပါတယ်။
စစ်ကောင်စီရဲ့ ပင်မငွေကြေးအရင်းအမြစ်ကို ဖြတ်တောက်ဖို့နဲ့ လေကြောင်းတိုက်ခိုက်မှုတွေ လျော့ကျစေနိုင်တဲ့ ဥပဒေမူကြမ်းသုံးခုကို အမေရိကန်အောက်လွှတ်တော် ဘဏ္ဍာရေးဆိုင်ရာကော်မတီက အတည်ပြုခဲ့တာပါ။
အဲဒီဥပဒေမူကြမ်း ၃ခုက BRAVE Burma Act၊ Burma GAP Act နဲ့ No New Burma Funds Act တို့ ဖြစ်ပါတယ်။
Public Service Announcement
အဲဒီဥပဒေမူကြမ်းထဲက BRAVE Burma Act မှာ ၂၀၂၂ နှစ်ကုန်ပိုင်းက ပြဌာန်းခဲ့တဲ့ Burma Act ကို ပြင်ဆင်ထားတာ ဖြစ်ပြီး Burma GAP Act ကတော့ မြန်မာနိုင်ငံရှိ လူနည်းစုတိုင်းရင်းသားများအရေးနဲ့ ရိုဟင်ဂျာအရေး ကာကွယ်မြှင့်တင်ပေးရေး ဥပဒေမူကြမ်းတွေဖြစ်တယ်လို့ အမေရိကန်ရောက် မြန်မာ့အရေးတက်ကြွလှုပ်ရှားသူ ဦးဂျိမ်းရွှေက ရှင်းပြပါတယ်။
တတိယမြောက် No New Burma Funds Act ကတော့ ဥပဒေမူကြမ်း ၃ခုထဲ အတိုဆုံး ဥပဒေမူကြမ်းဖြစ်ပြီး မြန်မြန်ဆန်ဆန် ဥပဒေအဖြစ် ထွက်ရှိလာနိုင်ကာ လက်ရှိမြန်မာ့နွေဦးတော်လှန်ရေးကို အကျိုးအဖြစ်ထွန်းနိုင်ဆုံးဖြစ်နိုင်ကြောင်း သူက သုံးသပ်ပါတယ်။
အဲဒီ No New Burma Funds Act က မြန်မာစစ်ကောင်စီကို ဘဏ္ဍာရံပုံငွေအသစ်တွေ မရနိုင်ရေးအတွက် ရည်ရွယ်ပြီး စစ်ကောင်စီထိန်းချုပ်ထားတဲ့ အုပ်ချုပ်ရေးအဖွဲ့ကို ကမ္ဘာ့ဘဏ်(World Bank)က ငွေကြေးထောက်ပံ့မှုအသစ် ပိတ်ပင်တာ၊ နိုင်ငံတကာ ငွေကြေးအဖွဲ့အစည်းတွေက စစ်ကောင်စီထံ ငွေလွှဲမှု ရုတ်သိမ်းထားတာတွေ ပြဌာန်းလာနိုင်တယ်လို့ သိရပါတယ်။
မြန်မာ့အရေးတက်ကြွလှုပ်ရှားသူ ဦးဂျိမ်းရွှေကို People’s Spring က ဆက်သွယ်မေးမြန်းထားတဲ့ အင်တာဗျူး ဒုတိယပိုင်းကို ဖော်ပြလိုက်ပါတယ်။
