ကြံ့ဖွံ့ပါတီ စစ်တပ်​ထောက်ခံတဲ့ အနုပညာရှင်​တွေနဲ့​တွေ့ဆုံ

ဩဂုတ်-၃၊၂၀၂၅။တေဇ/People’s Spring

စစ်တပ်ပါတီဖြစ်တဲ့ ပြည်​ထောင်စုကြံခိုင်​ရေးနဲ့ဖွံ့ဖြိုး​ရေးပါတီ ဥက္ကဌဦးခင်ရီက စစ်တပ်​ထောက်ခံတဲ့အနုပညာရှင်​တွေ နဲ့​တွေ့ဆုံပွဲပြုလုပ်ခဲ့ပါတယ်။

‘မိတ်ဆွေများနဲ့ တွေ့ဆုံပွဲ’လို့ ခေါင်းစဉ်တပ်ထားတဲ့​တွေ့ဆုံပွဲမှာ ကြံ့ဖွံ့ ပါတီဥက္ကဌ ကစစ်ကောင်စီကျင်းပမယ်ဆိုတဲ့ရွေးကောက်ပွဲနဲ့ပတ်သက်တဲ့ အကြောင်းတွေကို စစ်တပ်ထောက်ခံတဲ့ အနုပညာရှင်တွေ ၊ မီဒီယာတွေနဲ့ တွေ့ဆုံ စဥ် အဓိက​ပြောခဲ့တယ်လို့ ထုတ်ပြန်ပါတယ်။ဒီတွေ့ဆုံပွဲကို ဇူလိုင် ၃၁ရက်​နေ့ ရန်ကုန်ရုံးခွဲမှာပြုလုပ်ခဲ့တာပါ။

စစ်အုပ်စုနဲ့တွေ့ဆုံပွဲတိုင်းမှာ အမြဲတမ်းပါဝင်​လေ့ရှိတဲ့ နေအောင် ၊ ရန်အောင် ၊ ငှက်ပျောကြော် ၊ မိုးဒီ ၊ တိမ်ညွန့် ၊ ဒါရိုက်တာကျော်ဇောလင်း၊ ဝင်းမော်(ရွှေသံစဉ်)၊ စိုးမြတ်သူဇာ ၊ ယမင်းကိုကို ၊ မုဏ်း ၊ သင်္ဇာမြင့်မိုရ် တို့တတ်ရောက်ခဲ့တာကိုတွေ့ရပါတယ်။ ခန့်စည်သူ ၊ယုန်​လေး ၊ခင်လှိုင်၊ဒိန်း​ဒေါင်စတဲ့ စစ်တပ်​ထောက်ခံတဲ့အနုပညာရှင်​တွေကို​တော့ ဒီ​တွေ့ဆုံမှုမှာမ​တွေ့ရပါဘူး။

Public Service Announcement

ကြံ့ဖွံ့ပါတီဥက္ကဌကပါတီသမိုင်း ၊ ရွေးကောက် ပွဲအောင်မြင်စွာကျင်းပနိုင်ရေး နဲ့ မိမိကြိုက်နှစ်သက်ရာ အဖွဲ့အစည်းတွေကို မဲပေးရေးအပါအဝင် ဆွေးနွေးမှုတွေပြုလုပ်ခဲ့တယ်လို့ဆိုပါတယ်။

မီဒီယာတွေနဲ့ တွေ့ဆုံရာမှာတော့ နိုင်ငံရေးနဲ့သက်‌‌ဆိုင်တဲ့ မီဒီယာတွေနဲ့ တွေ့ဆုံခဲ့တာမဟုတ်ပဲ ဖျော်ဖြေရေးအမည်ခံ မီဒီယာတွေနဲ့ တွေ့ဆုံခဲ့တာလို့ သိရပါတယ်။