ယူအေအီး နှင့် တောင်ကိုရီးယားတွင် ကမ္ဘာလုံးဆိုင်ရာ ရှစ်လေးလုံးထီးသပိတ် အကြိုလှုပ်ရှားမှုပြုလုပ်

သြဂုတ် ၃၊၂၀၂၅။ သုည/People’s Spring

ယူအေအီး နှင့် တောင်ကိုရီးယားနိုင်ငံရောက် မြန်မာများစုပေါင်း၍မကြာခင်ရောက်လာတော့မည့်(၃၇)နှစ်မြောက် ရှစ်လေးလုံးအထိမ်းအမှတ် အကြိုလှုပ်ရှားမှုအနေဖြင့် ကမ္ဘာလုံးဆိုင်ရာ ရှစ်လေးလုံး ထီးသပိတ်ကို ယနေ့ ပြုလုပ်ခဲ့သည်။

ယူအေအီးနိုင်ငံ ဒူဘိုင်းမြို့ရှိ အထင်ကရနေရာများတွင် ယူ​အေအီးနိုင်ငံရောက်မြန်မာနိုင်ငံသားများ စုပေါင်းပါဝင်ကာ (၈) သင်္ကေတရိုက်နှပ်ထားသည့် ထီးများကိုင်ဆောင်ပြီး ကမ္ဘာလုံးဆိုင်ရာ ရှစ်​​လေးလုံး ထီးသပိတ်ကို အသိအမှတ်ပြု ပါဝင်ခဲ့သည်။

အလားတူ တောင်ကိုရီးယားနိုင်ငံ ဆိုးလ်မြို့​တွင်လည်း မြန်မာနိုင်ငံသားများက ကမ္ဘာလုံးဆိုင်ရာ ရှစ်လေးလုံး ထီးသပိတ်အကြို လှုပ်ရှားမှုအဖြစ် (၈) သင်္ကေတရိုက်နှပ်ထားသည့် ထီးများကိုင်ဆောင်ပြီး ဆန္ဒထုတ်ဖော်ခဲ့သည်။

Public Service Announcement

(၃၇)နှစ်မြောက် ရှစ်လေးလုံးအထိမ်းအမှတ် အဖြစ် ကမ္ဘာလုံးဆိုင်ရာ ရှစ်လေးလုံးထီးသပိတ် လှုပ်ရှားမှုပြုလုပ်ကြရန် ရန်ကုန်လူထုသပိတ်က တိုက်တွန်းထားသည်။

ရန်ကုန် လူထုသပိတ်အနေဖြင့်ရှစ်လေးလုံးအထိမ်းအမှတ် ၈ သင်္ကေတရိုက်နှိပ်ထားသည့် ထီးများကို ရောင်းချထားသောကြောင့် ကမ္ဘာ့နိုင်ငံအသီးသီးမှ အဆိုပါထီးများအပါအဝင် ၈ ဂဏန်းနှင့် သက်ဆိုင်သည့်အရာများဖြင့် သပိတ်လှုပ်ရှားမှုပြုလုပ်ရန် ဩဂုတ် ၁ရက်တွင် နှိုးဆော်ထားသည်။

https://www.facebook.com/LuduNwayOo/videos/1827758644808950

ရုပ်သံ – ရန်ကုန်လူထုသပိတ်