မော်လိုက်က စစ်တပ်နဲ့ပျူပူး​ပေါင်းစခန်းကို​တော်လှန်​ရေးတပ်​တွေသိမ်းပိုက်

သြဂုတ်-၁၉၊၂၀၂၅။​နေ့သစ်/People’s Spring

စစ်ကိုင်းတိုင်း ၊ ​မော်လိုက်မြို့နယ် မှာ စစ်တပ် နဲ့ပျူ​စောထီး​တွေပူး​ပေါင်းတပ်ထိုင်ထားတဲ့ စခန်းကို ​တော်လှန်​ရေးတပ်​တွေက သြဂုတ် ၁၅ ရက်​နေ့မှာ သိမ်းပိုက်ခဲ့ပြီး လက်နက်ခဲယမ်းနဲ့ စစ်သုံ့ပန်း​တွေရရှိတယ်လို့ ​တော်လှန်​ရေးတပ်ဖွဲ့ဝင်အချို့က​ပြောပါတယ်။

​မောလိုက်မြို့နယ်ထဲမှာ စစ်တပ်နဲ့ပျူ ပူး​ပေါင်းစခန်းထိုင်တဲ့ ပထမဆုံးစခန်းဖြစ်သလို အခိုင်အမာတည်​ဆောက်ထားတဲ့ ​ထော်သာစခန်းကို သြဂုတ်လ ၁၅ ရက်ည​နေမှာ ​တော်လှန်​ရေးတပ်​တွေက ထိုးစစ်ဆင်ပြီး သိမ်းပိုက်ခဲ့တာပါ။

“မော်လိုက်မြို့နယ်ရဲ့ ပထမဆုံး ပျူနဲ့ စကစနဲ့ပေါင်းနေတဲ့ စခန်း။စစ်သုံ့ပန်းလက်နက်ကိုင်တာက ၇၀ ၊ မိသားစုဝင်​တွေက ၁၅၀ “လို့ ​တော်လှန်​ရေးတပ်ဖွဲ့ဝင် တဦးက​ပြောပါတယ်။

Public Service Announcement

သိမ်းဆည်းရရှိတဲ့ လက်နက်ခဲယမ်းဓါတ်ပုံ​တွေနဲ့ စခန်းသိမ်းပုံ​တွေကို PDF အချို့က ဓါတ်ပုံနဲ့ရုပ်သံတင်ထားတာမှာ လက်နက်မျိုးစုံ အနည်းဆုံး ၂၃ လက်​​သိမ်းဆည်းရရှိတာ​တွေ့ရပါ တယ်။ စစ်သုံ့ပန်းအများအပြားကိုလည်း ဖမ်းဆီးနိုင်ခဲ့တာကို လည်း​တွေ့ရပါတယ် ။

စခန်းသိမ်းပြီး​နောက် စစ်တပ်က စစ်ကူထပ်လာသူ​တွေကိုလည်း ​တော်လှန်​ရေးတပ်​တွေက တိုက်ခိုက်​နေပြီး သြဂုတ်လ ၁၈ ရက်အထိတိုက်ပွဲ​တွေဖြစ်​နေတယ်လို့သိရပါတယ် ။ စစ်ကူလာတဲ့ စစ်​ကြောင်းကို​​တော်လှန်​ရေးတပ်​တွေ တိုက်တာမှာ​သေဆုံး၊ဒဏ်ရာရသူများသလို စစ်သုံ့ပန်းအချို့ပါ ထပ်ဖမ်းမိတဲ့အတွက် စစ်ကူစစ်​ကြောင်းလည်း အထိနာလို့ပြန်ငြိမ်သွားတယ်လို့ သိရပါတယ် ။

“စစ်​ကြောင်းအထိနာပြီး ပြန်ငြိမ်နေတာ အရာရှိတွေပါကျတာ” လို့​​တော်လှန်​ရေးရဲ​ဘော်တဦးက​ပြောပါတယ်။

​ထော်သာစခန်း နဲ့ စစ်ကူစစ်​ကြောင်း​တွေကို ​မော်လိုက်မြို့နယ်က​တော်လှန်​ရေးတပ်​တွေ ပူး​ပေါင်းတိုက်ခိုက်ခဲ့တာဖြစ်ပါတယ်။