စက်တင်ဘာ−၈၊၂၀၂၅၊မေ/People’s Spring
စစ်ကိုင်းတံတားမှာ ပေါ်တာဆွဲမှုတွေကြောင့် ကုန်ကားတွေအပါအဝင် ခရီးသည်အများစုဟာ ဇက်ဆိပ်ကနေ ဖြတ်သန်းတာတွေများလာပြီးတဲ့နောက် စစ်တပ်က ဇက်ဆိပ်ကနေ စောင့်ပြီး ပေါ်တာဆွဲတာ နေတယ်လို့ ခရီးသည်တွေက ပြောပါတယ်။
စစ်ကိုင်းတံတားနဲ့ မြို့တွင်းနေရာ တချို့မှာ ပေါ်တာဆွဲတာ တွေများလာတာမို့ အဲဒီတံတားကို ရှောင်ဖို့အတွက် ခရီးသည်တွေဟာ ဇက်ဆိပ်ကနေ ကုန်ကားတွေနဲ့ မန္တလေးရွှေကြပ်ယပ်ဇက်ဆိပ်ကနေတဆင့် ရေလမ်းအသုံးပြုတာ တွေပြုလုပ်လာတယ်လို့ သိရပါတယ်။
“ဒီရက်ပိုင်းထဲပဲ မန္တလေးကနေ စစ်ကိုင်းကိုကူးတဲ့ဇက်ဆိပ်မှာ စစ်ကိုင်းဘက်ခြမ်းကနေ စောင့်ပြီး အကုန်တန်းစွဲသွားတာ။ကားကြီးစပါယ်ယာ တွေအထိပါတယ်။ဘယ်လိုလုပ်စားရမှန်းကို မသိပါဘူးဗျာ။အကုန်စိတ် ညစ်နေတာ”လို့ ကုန်ကားသမားတဦး ကပြောပါတယ်။
Public Service Announcement
ဒါ့အပြင် ကုန်ကားအသေးတွေကိုလည်း စစ်ကိုင်းမြို့ထဲမှာ ဆိုင်ကယ်တစီးထဲနဲ့ အမည်မသိလူ တဦးကလိုက်တားပြီး ဗိုလ်မှူးဆိုသူကို ဖုန်းဆက်ကာ ငွေကြေးမပေးပါက စစ်မှုထမ်းရမယ်ဆိုတဲ့ ခြိမ်းခြောက်မှု မျိုးတွေလည်း လုပ်လေ့ရှိတယ်လို့ ဆိုပါတယ်။
စစ်ကိုင်းမြို့မှာစစ်ကိုင်းတံတား၊တံတားအဆင်း၊နှာပေါက်၊မြို့မဈေး၊ကောင်းမှုတော်ဘုရားရဲ့ အနောက်နားတွေမှာ ပေါ်တာဆွဲ လေ့ရှိတယ်လို့ သိရပါတယ်။
