အမျိုးသားညီညွတ်ရေးအစိုးရ(NUG)ရဲ့ ငွေတိုက်စာချုပ်များကို အွန်လိုင်းမှတစ်ဆင့်ယနေ့မွန်းလွဲ ၂ နာရီမှ စတင်ရောင်းချရာ သုံးနာရီအတွင်း ဒေါ် လာ သုံးသန်းဖိုးရောင်းချရကြောင်း NUG အစိုးရမှတာဝန်ရှိသူကပြောသည်။
ငွေတိုက်စာချုပ်များကို ပြည်တွင်း၊ပြည်ပမှ မြန်မာပြည်သူများက ဝယ်ယူရန်စိတ်ဝင်စားသူများနေပြီး စတင်ရောင်းချသည့် သုံးနာရီအတွင်း တစ်နာရီ ဒေါ်လာတစ်သန်းဖိုးနှုန်းရောင်းချရခြင်းဖြစ်ကြောင်းသိ့ရသည်။
“ဗွေဆော်ဦး တိုက်စစ်ပထမဆုံး ၂နာရီမှာ ၁နာရီ ဒေါ်လာတစ်သန်းနှုန်းနဲ့ ဖွင့်လိုက်ပြီ” ဟုအမျိုးသားညီညွတ်ရေးအစိုးရ၊ စီမံကိန်း၊ ဘဏ္ဍာရေးနှင့် ရင်းနှီးမြှပ်နှံမှု ဝန်ကြီးဌာန၊ ပြည်ထောင်စုဝန်ကြီး ဦးတင်ထွန်းနိုင်ကပြောသည်။ ညနေ ၄ နာရီမှ ၅ နာရီအတွင်း တွင်လည်း ဒေါ်လာ တစ်သန်းဖိုးထပ်မံရောင်းရခြင်းဖြစ်သည်။
ငွေတိုက်စာချုပ်ဝယ်ယူလိုသူများသည် https://www.unitedbonds-nug.org/
ဝပ်ဆိုဒ်က တဆင့် ပုံစံ(က)ကိုဖြည့်သွင်းရမည်ဖြစ်သည်။ ဖြည့်သွင်းပြီးပါက NUGဘက်မှ ဘဏ်စာရင်းတစ်ခုနှင့် ID ကုတ်တစ်ခုကိုပြန်လည်ပေးလာမည်ဖြစ်သည်။ ထိုနောက် NUGက ပြန့်ပို့လာသည့် နိုင်ငံခြား ဘဏ်စာရင်းကို IDနံပတ်ဖြင့် ငွေပေးသွင်းရမည်ဖြစ်သည်။ ထိုငွေသွင်းပြီးကြောင်း ပြေစာကို NUG၏ အီးမေးလ်ကို ပြန်လည်ပေးပို့ရမည်ဖြစ်ပြီး ၁၄ ရက်အတွင်း NUGက ငွေတိုက်လက်မှတ်ကို ပြန်လည်ရရှိမည်ဖြစ်သည်။ အမျိုးသားညီညွတ်ရေးအစိုးရ၏ဘတ်ဂျတ်အတွက် ငွေတိုက်စာချုပ် ဒေါ်လာတစ်ဘီလီယံဖိုးကို ထုတ်ရောင်း NUGက စီစဉ်ခဲ့ခြင်းဖြစ်သည်။ ထိုငွေတိုက်စာချုပ်များသည် သက်တမ်းနှစ်နှစ်နှင့် အတိုးမဲ့ငွေတိုက်စာချုပ်များဖြစ်သည်။ ငွေတိုက်စာချုပ်များသည် နှစ်နှစ်အတွင်း ပြန်လည်ရောင်းချခွင့်ရမည်မဟုတ်ပေ။
Public Service Announcement
