ဝေါက အဗျားရွာကို စစ်တပ်ဝင်လာပြီး ကြံ့ဖွံ့ပါတီကို မဲပေးဖို့ ဖိအားပေး

နိုဝင်ဘာ-၂၀၊ ၂၀၂၅။ဇော်ဝင်း/People’s Spring

ပဲခူးတိုင်း၊ ဝေါမြို့နယ််က အဗျားကျေးရွာအုပ်စုက်ို စစ်ကောင်စီတပ် ဝင်ရောက်ပြီး ဒေသခံတွေ ကြံ့ဖွံ့ပါတီမဲပေးဖို့ ဖိအားပေးခဲ့တယ်လို့ ဒေသခံတွေက ပြောပါတယ်။

နိုဝင်ဘာ ၁၈ ရက်က စစ်တပ်ဟာ ဝေါမြို့ပေါ်ကနေ စစ်ကားနှစ်စီးနဲ့ အဗျားကျေးရွာအုပ်စုကို ဝင်ရောက်လာပြီး တစ်အိမ်တစ်ယောက်လူစုဝေးရန် ခေါ်ဆောင်ခဲ့တယ်လို့ ဒေသခံတစ်ဦးက ဆိုပါတယ်။

အဲဒီနောက်ရွာသားတွေစုဝေးပြီးချိန်မှာမဲထည့်ကြဖို့နဲ့ ကြံ့ဖွံ့ပါတီကိုမဲထည့်ပေးဖို့ နာရီဝက်ကြာဖိအားပေးပြောဆိုပြီးပြန်ထွက်သွားတယ်လို့သိရပါတယ်။

Public Service Announcement

“အုပ်ချုပ်ရေးမှူးကနေစခေါ်တာတစ်အိမ်တစ်ယောက်မလာမနေရဆိုပြီ။စစ်တပ်ကခေါ်တာဆို တော့ကြောက်ပြီသွားရတယ်။အုပ်ချုပ်ရေးမှူး အိမ်မှာပဲ”လို့ အဗျားရွာခံတစ်ဦးက ပြောပါတယ်။

အဗျားကျေးရွာအုပ်စုဟာအဗျားအထက်စု၊အောက်စုနဲ့ အလယ်စုဆိုပြီး ကျေးရွာတွေရှိကာ နိုဝင်ဘာ ၁၈ ရက်က စစ်တပ်ဝင်ရောက်ခဲ့တဲ့ ကျေးရွာဟာ အဗျားအထက်စုလို့ သိရပါတယ်။

အဗျားကျေးရွာအုပ်စုဟာ ဝေါမြို့အနီး အရှေ့ဘက်ခြမ်းမှာရှိပြီးစစ်ကောင်စီက၎င်းတို့ လက်လှမ်းမီစိုးမိုးတဲ့ရွာတွေကို ရွေးကောက်ပွဲနဲ့ပတ်သက်လို့ စည်းရုံးတာတွေ ဆက်တိုက်လုပ်နိုင်တယ်လို့ ဝေါ ပကဖ တာဝန်ရှိသူက အသိပေးပါတယ်။

“အတုအယောင်ရွေးကောက်ပွဲဖြစ်တဲ့အတွက် ​လက်မခံဘူး။ပြည်သူကို လိမ်ပြီးတော့ နိုင်ငံရေး ထွက်ပေါက်ဖြစ်အောင်လုပ်တဲ့ ရွေးကောက်ပွဲ ဖြစ်တယ်”လို့ ၎င်းက ပြောပါတယ်။

လာမယ့် ဒီဇင်ဘာနောက်ဆုံးပတ်မှာလုပ်မယ့် စစ်ကောင်စီရွေးကောက်ပွဲကို​တော်လှန်​ရေးအင်အားစု​ အတုအယောင် ဖြစ်တယ်လို့ ကြေညာထားပါတယ်။ကုလသမဂ္ဂ အပါအဝင် ဒီမိုက​ရေစီအား​ပေးတဲ့နိုင်ငံ​တွေက စစ်တပ်​ရွေး​ကောက်ပွဲဟာ လွတ်

လပ်မျှတတဲ့​ရွေး​ကောက်ပွဲမဖြစ်နိုင်ပဲ ၊စစ်တပ်က တရားဝင်မှုရလိုတာ​ကြောင့် ဟန်ပြလုပ်တဲ့​ရွေး​ကောက်လို့​ဝေဖန်ထားကြပါတယ်။​တော်လှန်​ရေးအား​ကောင်းတဲ့​ဒေသ​တွေမှာစစ်တပ် ရွေးကောက်ပွဲကိုဆန့်ကျင်တဲ့ လူထုလှုပ်ရှားမှုတွေလည်း နိုင်ငံတဝန်းရှိနေပါတယ်။