ချင်းပြည်နယ် ကန်ပက်လက်မြို့ပေါ်တွင် အာဏာသိမ်းစစ်ကောင်စီတပ်ကို ကန်ပက်လက်ချင်းကာကွယ်ရေးတပ်ဖွဲ့(CDF)က တိုက်ခိုက်ခဲ့၍ စစ်ကောင်စီတပ်ဖွဲ့ဝင် နှစ်ဦး သေဆုံးပြီး တစ်ဦးဒဏ်ရာရခဲ့ကြောင်း ကန်ပက်လက် CDFက ထုတ်ပြန်သည်။
ယနေ့ (ဒီဇင်ဘာ ၇ရက်)နံနက်က ကန်ပက်လက်မြို့မရဲစခန်းတွင်တပ်စွဲထားသော အကြမ်းဖက်စစ်ကောင်စီတပ်ဖွဲ့ဝင်များ မြို့တွင်းစစ်ကြောင်းထိုးလာ၍ ၁နာရီကြာ တိုက်ပွဲဖြစ်ခဲ့သည်ဟု ဆိုသည်။
တိုက်ပွဲတွင် ကန်ပက်လက် CDF တပ်ဖွဲ့ဝင်များ ထိခိုက်မှုမရှိဟုလည်း ဖော်ပြထားသည်။
ကန်ပက်လက်မြို့ပေါ်တွင် ဒီဇင်ဘာ၃ရက်နှင့် ၄ရက်ကလည်း တိုက်ပွဲဖြစ်ပွားခဲ့ရာ စစ်ကောင်စီတပ်မှ လေးဦးသေဆုံးခဲ့သည်ဟု ဆိုသည်။ နိုဝင်ဘာကုန်ပိုင်းကလည်း မြို့ပေါ်တိုက်ပွဲဖြစ်၍ စစ်ကောင်စီတပ်မှ သုံးဦးသေ ခြောက်ဦးဒဏ်ရာရခဲ့ကြောင်း ကန်ပက်လက် CDFက ထုတ်ပြန်ထားသည်။
Public Service Announcement
