တစ်နိုင်ငံလုံးအတိုင်းအတာနဲ့ အသံတိတ်သပိတ်ဆင်နွှဲကြတဲ့ဒီနေ့မှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို အဂတိမှုနဲ့စွဲဆိုထားတဲ့အမှု တွေထဲက တစ်မှုကို ဒီနေ့နေပြည်တော်မှာစစ်ဆေးပါတယ်။
အဲဒီအမှုဟာ ရန်ကုန် တက္ကသိုလ်ရိပ်သာလမ်းက ဒေါ်ခင်ကြည်ဖောင်ဒေးရှင်းရုံးချုပ် အတွက် ထိုက်သင့်တဲ့ မြေတန်ဖိုးကို နိုင်ငံတော်ကိုမသွင်းဘူးဆိုတဲ့စွပ်စွဲချက်နဲ့ စစ်ကောင်စီက စွဲထားတာပါ။
ဒါအပြင် ဒီနေ့မှာ အဂတိမှုအတွက် နေပြည်တော်ကောင်စီဥက္ကဋ္ဌ ဒေါက်တာမျိုးအောင် ၊ ဒုတိယမြို့တော်ဝန်ဦးရဲမင်းဦးကိုလည်းစစ်ဆေးခဲ့တယ်လို့သိရပါတယ်။
ဒေါ်အောင်ဆန်းစုကြည်အပါအဝင် သူတို့ ၃ ဦးလုံးကျန်းမာရေးကောင်းမွန်တယ်လို့လည်းသိရပါတယ်။
Public Service Announcement
