Connect with us

Hi, what are you looking for?

သတင်း

မန္တလေးမှာ စစ်မှုထမ်းလစဉ်ကြေးတိုးမြှင့်ကောက်ခံ

မန္တလေးမြို့က ရပ်ကွက်အချို့မှာ စစ်မှုထမ်းအတွက် ကောက်ခံနေတဲ့ လစဉ်ကြေးကို စစ်ကောင်စီရဲ့အောက်ခြေအုပ်ချုပ်ရေးပိုင်းက သောင်းဂဏန်းအထိတိုးမြှင့်ကောက်ခံလာတယ်လို့ ရပ်ကွက်နေပြည်သူအချို့ဆီကသိရပါတယ်။

မတ် – ၂၇ ၊၂၀၂၆ ၊ဆိုင်းမင်း/People’s Spring

မန္တလေးမြို့က ရပ်ကွက်အချို့မှာ စစ်မှုထမ်းအတွက် ကောက်ခံနေတဲ့ လစဉ်ကြေးကို စစ်ကောင်စီရဲ့အောက်ခြေအုပ်ချုပ်ရေးပိုင်းက သောင်းဂဏန်းအထိတိုးမြှင့်ကောက်ခံလာတယ်လို့ ရပ်ကွက်နေပြည်သူအချို့ဆီကသိရပါတယ်။

ကနဦးက တစ်လကို ကျပ်တစ်သောင်းကောက်ခံနေရာကနေ ကျပ်သုံးသောင်းအထိ တိုးကောက်လာလို့ ပုသိမ်ကြီးမြို့နယ်အတွင်းနေထိုင်သူ ပြည်သူတစ်ဦးကပြောပါတယ်။

“အခုသုံးသောင်းဖြစ်သွားပြီ၊ မပေးတဲ့အိမ်ဆိုရင် ရှိတဲ့ယောကျာ်းလေးကိုရှေ့တန်းပို့ပစ်မယ်ပြောတာ”လို့ ပုသိမ်ကြီးမြို့နယ် မှာနေထိုင်သူ ပြည်သူကတစ်ဦးပြောပါတယ်။

Public Service Announcement

Public Service Announcement

ပုသိမ်ကြီးမြို့နယ်ထဲက ကျေးရွာအများစုမှာ သာမာန်လက်လုပ်လက်စားပြည်သူတွေအများစုနေထိုင်ကြတာပါ။

လက်ရှိမှာ စက်သုံးဆီခက်ခဲရှားပါးလာတာကြောင့် စပါးရိတ်တာ၊ထော်လာဂျီအငှါးလိုက်တာ၊ စပါးကွင်းရေတင်တာ စတဲ့တောင်ယာလုပ်ငန်းအချို့လည်း ရပ်ဆိုင်းထားရတဲ့အတွက် အလုပ်အကိုင်လည်းရှားပါးနေကြတယ်လို့ သိရပါတယ်။

အခုလို အချိန်မှာ စစ်မှုထမ်းကြေးတိုးမြှင့်ကောက်ခံတာက ဝန်ထုတ်ဝန်ပိုးတစ်ခု ဖြစ်လာတယ်လို့ ပုသိမ်ကြီးမြို့ခံက ဆိုပါတယ်။

မန္တလေးဟာ စစ်ကောင်စီတပ်ရဲ့ ထိန်းချုပ်မှုအောက်မှာ ရှိနေပြီး မန္တလေး PDF အပါအဝင်တော်လှန်ရေးပူးပေါင်းတပ်ဖွဲ့တွေ ထိန်းချုပ်ထားတဲ့မြို့တွေကို လည်းပြန်လည်ထိန်းချုပ်ထားပါတယ်။

စစ်ကောင်စီတပ် ဟာ မန္တလေးမှာ လစဉ် စစ်မှုထမ်း အင်အား ပြည့်မီဖို့အတွက် ရပ်ကွက်တွေမှာ လူငယ်တွေကို စစ်မှုထမ်းစုဆောင်းတာအပြင် ပေါ်တာဆွဲတာ ၊အတင်းအဓမ္မ ဖမ်းဆီးခေါ်ဆောင်တာတွေလည်းရှိနေပါတယ်။ 

ဆက်စပ်သတင်းများ

သတင်း

ရှမ်းပြည်နယ်တောင်ပိုင်း၊ ပင်လုံံမြို့မှာ စစ်တပ်လက်အောက်ခံ စည်ပင်ဌာနဝန်ထမ်းရဲ့အမျိုးသားကို စစ်မှုထမ်းဖို့ ပေါ်တာဆွဲသွားကြောင်း ဒေသခံအချို့က ပြောပါတယ်။

အတွေးအမြင်

ပြီးခဲ့တဲ့စက်တင်ဘာ ၂၈ ရက်က လေယာဉ်နဲ့ဗုံးကြဲခံရတဲ့ကျောက်တော်ဖြစ်စဉ်ဟာ ရခိုင်မှာ လူအသေအပျောက် အများဆုံးဖြစ်စဉ်ဖြစ်ခဲ့ပါတယ်။ကမ္ဘာကပါ အံ့အားသင့်မင်တက်ခဲ့ရတဲ့ လူ ၅၀ ​ကျော်သေဆုံးပြီး ၅၇ ဦီးဒဏ်ရာရရှိခဲ့တဲ့ အဲဒီဖြစ်ရပ်နောက်ပိုင်းမှာလည်း အာဏာသိမ်းစစ်ခေါင်းဆောင်မင်းအောင်လှိုင်ရဲ့ ဖက်ဆစ်စစ်တပ်ဟာ နေရာအနှံ့ ဗုံးကြဲမပျက်၊ အကြမ်းဖက်မပျက်ဘဲသူ့ရဲ့ဆိုးယုတ်တဲ့ဂုဏ်ကိုဆက်လက်ဆုပ်ကိုင်ထားဆဲပါ။

သတင်း

လူငယ်တွေ နည်းလမ်းစုံသုံး ရှောင်ရှားကြဖို့ လိုအပ်ကြောင်း NUG ကာကွယ်ရေး တိုက်တွန်း

သတင်း

မန္တလေးမြို့က ကလေးဆေးရုံကြီးမှာ ဆေးရုံလာတက်တဲ့ ရွှေဘိုမြို့နယ်က ကလေးတွေရဲ့ဖခင် ဖြစ်သူ ၂ဦး ပေါ်တာဆွဲခံရလို့ ပျောက်ဆုံးနေတယ်လို့ နီးစပ်သူတွေက ပြောပါတယ်။

Facebook