ဧပြီ-၁၀၊၂၀၂၆။ရောင်နီ/People’s Spring
ရန်ကုန်မြို့ လှိုင်မြို့နယ်မှာ ဒီနေ့ (ဧပြီ၁၀)ညနေက YBS ယာဉ်တစ်စီးမီးလောင်မှုဖြစ်ခဲ့ပါတယ်။
ဘုရင့်နောင်လမ်းမပေါ် သီရိမင်္ဂလာဈေးအနီးမှာ YBS ယာဉ်မီးလောင်ခဲ့တာဖြစ်ပြီး ကားတစ်စီးလုံးမီးလောင်သွားတာကို လူမှုကူညီရေးအသင်းတွေ တင်ထားတဲ့ မှတ်တမ်းတွေမှာ တွေ့ရပါတယ်။
ဒီမီးလောင်မှုကို ဆယ်မိနစ်ခန့် မီးငြှိမ်းသတ်ခဲ့ရတယ်လို့ မီးသတ်တပ်ဖွဲ့ကထုတ်ပြန်ထားပါတယ်။ မီးလောင်မှုအကြောင်းရင်းကို ထုတ်ပြန်တာတော့မတွေ့ရပါဘူး။
Public Service Announcement
မီးလောင်တဲ့ ယာဉ်က သီရိမင်္ဂလာဈေး မှာ ဂိတ်ဆုံးတဲ့ YBS-60 ယာဉ် ဖြစ်ပြီး မီးလောင်နေတဲ့ အနေအထားက ကားပြန်လှည့်တဲ့ ပုံစံဖြစ်တာကြောင့် ခရီးသည်တွေထိခိုက်မှုမရှိနိုင်ဘူးလို့ ပြည်သူတစ်ဦးက မှတ်ချက်ပေးပါတယ်။
နေ့အပူချိန်မြင့်မားလာတဲ့ အချိန်မှာ YBS တွေရဲ့ ကြံ့ခိုင်မှုနဲ့ပတ်သက်ပြီး သက်ဆိုင်ရာအဖွဲ့အစည်းတွေအနေနဲ့ စစ်ဆေးမှုတွေပြုလုပ်ဖို့ ပြည်သူတစ်ဦးက အကြံပြုထားပါတယ်။
