ဧပြီ-၁၃၊၂၀၂၆။သတိုး/People’s Spring
နိုင်ငံရေးအကျဉ်းသားတွေ လွတ်မြောက်ရေးအတွက် ရည်ရွယ်တဲ့ Blue Shirt ကမ်ပိန်းမှာ ပြည်သူတွေနဲ့အတူ မြေပြင်တော်လှန်ရေးအဖွဲ့တွေလည်း ပါဝင်နေကြပါတယ်။
သပိတ်ခေါင်းဆောင်တစ်ဦးဖြစ်တဲ့ ဒေါက်တာတေဇာဆန်းကလည်း ဒီလှုပ်ရှားမှုမှာပါဝင်ပြီးစစ်တပ်က အဓမ္မဖမ်းဆီးထားတဲ့ လူထုခေါင်းဆောင် ဒေါ်အောင်ဆန်းစုကြည်နဲ့ နိုင်ငံတော်သမ္မတ ဦးဝင်းမြင့်တို့အပါအဝင် နိုင်ငံရေးအကျဉ်းသားအားလုံးလွတ်မြောက်ဖို့ ဆုတောင်းပေးထားပါတယ်။
“အာဏာရှင်စနစ်အောက်မှာ “အကျဉ်းထောင်” များထဲက နိုင်ငံရေးအကျဉ်းသားများ ခြွင်းချက်မရှိ ပြန်လည်လွတ်မြောက်ဖို့ လှုပ်ရှားတောင်းဆိုခြင်းဟာ “အကျယ်ထောင်” ထဲက ကျနော်တို့တွေအတွက် လုပ်ကို လုပ်ရမယ့် “တာဝန်” တရပ်ပဲဖြစ်ပါတယ်။” လို့ ဒေါက်တာတေဇာဆန်းကပြောပါတယ်။
Public Service Announcement
ဒီကမ်ပိန်းကို ဟံသာဝတီဦးဝင်းတင်ကွယ်လွန်ခြင်း (၁၂)နှစ်ပြည့် အထိမ်းအမှတ်အနေနဲ့ ဧပြီ ၁၀ ကနေ ၂၁ ရက်အထိပြုလုပ်နေတာပါ။
ကမ်ပိန်းမှာ ပြည်သူတွေပါဝင်ကြသလို တော်လှန်ရေးတပ်ဖွဲ့တွေကလည်း အပြာရောင်အင်္ကျီတွေကို ဝတ်ဆင်ပြီး ပါဝင်ခဲ့ကြပါတယ်။
ကမ်ပိန်းမှာပါဝင်သူတွေက လက်သုံးချောင်းထောင်သူတွေရှိသလို တချို့ကလည်း Free All Political Prisoner စာတန်းကိုကိုင်ဆောင်ထားကြပြီး အဲဒီ့လှုပ်ရှားမှုဓာတ်ပုံတွေ ဗီဒီယိုတွေကို လူမှုကွန်ရက်စာမျက်နှာမှာတင်ကာပါဝင်ခဲ့ကြတာပါ။
