မြန်မာစစ်တပ်ခေါင်းဆောင်ဗိုလ်ချုပ်မှူးကြီးမင်းအောင်လှိုင်ကို လူသားမျိုးနွယ်စုအပေါ်ကျူးလွန်သောရာဇဝတ်မှုများဖြင့် နိုင်ငံတကာရာဇဝတ်ခုံရုံး(ICC)သို့ မြန်မာတာဝန်ခံမှုရှိစေရေးအဖွဲ့(MAP)က တိုင်ကြားလိုက်သည်။
လူ့အခွင့်အရေးတက်ကြွလှုပ်ရှားသူများအဖွဲ့ MAP သည် ရောမသဘောတူစာချုပ်(Rome Statute)၏ ပုဒ်မ ၁၅ ရက်အရ မြန်မာနိုင်ငံတွင် ဆန္ဒပြလှုပ်ရှားမှုများကို အကြမ်းဖက်ဖြိုခွဲခြင်း အစိတ်အပိုင်းအဖြစ် ညှင်းပန်းနှိပ်စက်ခဲ့မှုများကို စုံစမ်းစစ်ဆေးမှုစတင်ရန် တောင်းဆိုခဲ့သည်။
MAP ၏ တင်ပြချက်မှာ ၂၀၂၁ ဖေဖော်ဝါရီတွင် ဒီမိုကရေစီနည်းကျရွေးကောက်ခံအစိုးရထံမှ အာဏာသိမ်းချိန်ကစ၍ မြန်မာနိုင်ငံတွင် ကျယ်ပြန့်ပြီး စနစ်တကျကျူးလွန်သည့် ညှင်းပန်းနှိပ်စက်မှုများကိုလည်း သက်သေများနှင့်အတူ ဖော်ပြထားသည်။
၂၀၁၈ တွင် ကုလသမဂ္ဂက ဖွဲ့စည်းပေးခဲ့သည့် မြန်မာနိုင်ငံဆိုင်ရာ လွတ်လပ်သောစုံစမ်းစစ်ဆေး ရေးယန္တရား(IIMM)၏ မကြာသေးမီ တွေ့ရှိချက်က ယခုစွပ်စွဲမှုများကို အထောက်အပံ့ဖြစ်သည်။
Public Service Announcement
ကုလသမဂ္ဂလူ့အခွင့်အရေးကောင်စီသို့တင်သွင်းသည့် IIMM ၏ တတိယနှစ်လည်အစီရင်ခံစာတွင် မြန်မာစစ်တပ်၏ လူသတ်မှု၊ နှိပ်စက်ညှင်းပန်းမှု၊ ထောင်ချမှု၊ လိင်ပိုင်းဆိုင်ရာအကြမ်းဖက်မှု၊ အဓမ္မပျောက်ဆုံးမှုနှင့် နှိပ်စက်ညှင်းပန်းမှု အပါအဝင် လူသားမျိုးနွယ်စုအပေါ် ကျူးလွန်သော ရာဇဝတ်မှုများ ပါဝင်သည်။
တရားမဝင်အာဏာသိမ်းခေါင်းဆောင်မင်းအောင်လှိုင်သည် ၎င်း၏ အမိန့်ဖြင့် အစုလိုက်အပြုံလိုက်ရက်စက်ယုတ်မာသောရာဇဝတ်မှုများကျူးလွန်သည့် လုံခြုံရေးတပ်ဖွဲ့ဝင်များအတွက် ရာဇဝတ်မှုဆိုင်ရာ တာဝန်ရှိကြောင်း MAP ဒါရိုက်တာ Chris Gunness က ပြောသည်။
