Connect with us

Hi, what are you looking for?

သတင်း

လားရှိုးမြို့မှာလုယက်မှုထပ်မံဖြစ်

စစ်တပ်ထိန်းချုပ်ထားတဲ့လားရှိုးမြို့မှာ မနေ့က အမျိုးသမီးတစ်ဦးကိုပြန်ပေးဆွဲဖို့ကြိုးစားမှုဖြစ်ခဲ့သလို ဒီက​နေ့မှာလည်း လုယက်မှုဖြစ်ပွားခဲ့ပါတယ်။

(​မေ ၂ ရက်​နေ့က အမျိုးသား ၄ ဦးက စတိုးဆိုင်အတွင်း ပြန်​ပေးဆွဲဖို့​ရောက်ရှိလာတာကို CCTV မှာ​တွေ့ရပုံ)

​မေ-၃၊၂၀၂၆။မိထက်/People’s Spring

စစ်တပ်ထိန်းချုပ်ထားတဲ့လားရှိုးမြို့မှာ မနေ့က အမျိုးသမီးတစ်ဦးကိုပြန်ပေးဆွဲဖို့ကြိုးစားမှုဖြစ်ခဲ့သလို ဒီက​နေ့မှာလည်း လုယက်မှုဖြစ်ပွားခဲ့ပါတယ်။

လားရှိုးမြို့၊ရပ်ကွက်(၁)ထဲက စတိုးဆိုင်တစ်ဆိုင်ကို အမျိုးသားလေးဦးက ကားနဲ့လာပြီးဆိုင်ထဲကအမျိုးသမီးကို ဖမ်းဆီးခေါ်ဆောင်သွားဖို့ကြိုးပမ်းမှုကမေလ၂ရက်နေ့က ဖြစ်ပွားခဲ့ပါတယ်။ဒါ​​ပေမယ့်အမျိုးသမီးဟာထွက်ပြေးလွတ်မြောက်ခဲ့ပါတယ်။

မေလ ၃ရက်ညနေပိုင်းမှာလည်း လားရှိုးမြို့ရပ်ကွက်(၁)ထဲမှာပဲ ဆိုင်ကယ်စီးလာတဲ့အမျိုးသမီးတစ်ဦးကို အမျိုးသားလေးဦးက လမ်းပိတ်ဆို့ပြီး လုယက်မှုထပ်မံဖြစ်ပွားခဲ့တာပါ။

Public Service Announcement

Public Service Announcement

“ကျမဆိုင်ကယ် လုခံလိုက်ရပါတယ် CZI အနီ 7/7000။ဆိုင်ကယ်ထဲလဲ ပိုက်ဆံ သိန်း၁၀၀ကျော်ပါသွားပါတယ် ။လုသွားတဲ့ကောင်တွေက ၄ယောက် ဆိုင်ကယ်၂စီးနဲ့ပါ။ ဓားထောက်ပီး လုတာပါ ပါရမီ လမ်းကြားမှာပါ လားရှိုး” လို့ လုယက်ခံရတဲ့အမျိုးသမီးက လူမှုကွန်ရက်ပေါ်မှာ​ရေးသားထားပါတယ်။

လက်ရှိလားရှိုးမြို့ရဲ့ တရားဥပဒေစိုးမိုးမှုမရှိတဲ့အခြေအနေဟာ နေရော၊ညပါကြောက်စရာကောင်းနေပြီလို့ မြို့ခံတွေကပြောပါတယ်။

လားရှိုးမြို့ဟာ ၁၀၂၇ စစ်ဆင်ရေးနဲ့အတူ ကိုးကန့်တပ်(MNDAA)နဲ့ မဟာမိတ်တပ်​တွေက ၂၀၂၄ သြဂုတ်လဆန်းမှာ သိမ်းယူခဲ့တဲ့မြို့ဖြစ်ပါတယ် ။ ဒါ​ပေမယ့် တရုတ်အစိုးရရဲ့ အကူအညီနဲ့ စစ်တပ်က ၂၀၂၅ ဧပြီလမှာကျည်တစ်ချက်မ​ဖောက်ရပဲ MNDAA ဆီက​နေ မြို့ကိုပြန်လည်လွှဲ​ပြောင်းယူခဲ့ပါတယ်။

စစ်တပ်ပြန်ဝင်လာပြီးနောက်ပိုင်းလားရှိုးမြို့မှာ လုယက်မှုတွေ၊ ဓားပြမှုတွေ၊ ပြန်ပေးဆွဲမှုတွေ၊လူသတ်မှု၊ခိုးမှုစတဲ့ရာဇဝတ်မှု​တွေမကြာခဏဖြစ်နေပါတယ်။

၂၀၂၅ ဧပြီလကနေ လက်ရှိ ၂၀၂၆ မေလအတွင်း အမျိုးသမီးတချို့ကားလုယက်ခံရမှု၊ ဘုန်းကြီး အသတ်ခံရမှု၊ သတ်ဖြတ်ပြီး ရုပ်‌အလောင်းစွန့်ပစ်မှု၊ ပြန်ပေးဆွဲပြီး ငွေ တောင်းမှု၊ လမ်းလယ်ခေါင် သေနတ်နဲ့ ပစ်ခတ်လုပ်ကြံမှု၊ ရွှေဆိုင် ဓားပြတိုက်ခံရမှုတွေလို အမှုတွေ ၃၀ ထက်မနည်းဖြစ်ခဲ့တယ်လို့ ဒေသခံတွေက ပြောပါတယ်။

ဆက်စပ်သတင်းများ

သတင်း

မန္တလေးမြို့၊ ပြည်ကြီးတံခွန်မြို့နယ်မှာ လူငယ် ၁ဦးကို လူ ၁၀ ဦးလောက်ပါတဲ့အဖွဲ့က ဓါးတွေနဲ့ဝိုင်းခုတ်ပြီး ဆိုင်ကယ်လုယက်သွားကြောင်း ဒေသခံတွေက ပြောပါတယ်။

သတင်း

စစ်တပ်ထိန်းချုပ်ထားတဲ့ လားရှိုးမြို့ပေါ်မှာ ရွှေဆိုင်ပိုင်ရှင် သိန်းထောင်ချီလုယက်ခံရပြီး ၂ရက်အကြာမှာပဲ ဆောက်လုပ်ရေးပစ္စည်းအရောင်းဆိုင်တစ်ဆိုင် ဓားပြတိုက်ခံမှု ထပ်မံဖြစ်ပွားခဲ့ပါတယ်။

သတင်း

ရှမ်းမြောက်က စစ်တပ်ထိန်းချုပ်မြို့တွေ တရားဥပဒေစိုးမိုးမှုလုံးဝမရှိဟု ဒေသခံတွေ ပြော

နိုင်ငံတကာ

အီတလီရဲ့ အဓိက မြို့ကြီးတစ်မြို့ဖြစ်တဲ့ မီလန်မှာ ဆန္ဒပြသူတွေနဲ့ ရောထွေးပြီး မသမာသူတွေက စတိုးဆိုင်တွေကို ဖောက်ထွင်း လုယက်မှုတွေပါ ကျူးလွန်နေပါတယ်။

Facebook