မေ-၅၊၂၀၂၆။တေဇ/People’s Spring
ရန်ကုန်-မန္တလေး အမြန်လမ်းမှာ မြတ်မန္တလာထွန်း ခရီးသည်တင်ယာဉ် ဘီးပေါက်လို့ ယာဉ်နောက်လိုက်က ကားအောက်ဝင်ပြီး စပယ်ယာဘီးလဲနေချိန် ကားလေအိတ်ပေါက်ခဲ့တာကြောင့် သေဆုံးသွားတယ်လို့ အမြန်လမ်းမကြီးထိန်းသိမ်းပြုပြင်ရေးနှင့်ကြီးကြပ်ရေးအဖွဲ့ ကအသိပေးထားပါတယ်။
မေ ၄ ရက် နေ့လည် ၁၁ နာရီခွဲလောက်မှာ မန္တလေးကနေ နေပြည်တော်ဘက်ကိုမောင်းလာတဲ့ မြတ်မန္တလာထွန်း ခရီးသည်တင်ယာဉ် မိုင်တိုင်အမှတ်(၃၄၃/၄-၅) ကြားမှာ နောက်ယာဘီးပေါက်ခဲ့တာလို့ သိရပါတယ်။
အဲဒါကြောင့် ယာဉ်နောက်လိုက်က ကားအောက်ကိုဝင်ပြီး စပယ်ယာဘီးလဲနေချိန် ကားလေအိတ်ပေါက်ခဲ့တာလို့ သတင်းထုတ်ပြန်ထားပါတယ်။
Public Service Announcement
“ကားလေအိတ်ပေါက်ကာမျက်နှာပေါ်သို့ပိမိပြီး ပေါက်ပြဲချိုင့်ဝင်ဒဏ်ရာ(သတိမရ/စိုးရိမ်ရဒဏ်ရာစဉ် ပြင်ပလူနာဌာနသို့အရောက်တွင် သေဆုံးသွားကြောင်းသိရပါသည်။” လို့ အမြန်လမ်းမကြီးထိန်းသိမ်းပြုပြင်ရေးနှင့်ကြီးကြပ်ရေးအဖွဲ့ က အသိပေးထားပါတယ်။
အမြန်လမ်းမှာ မောင်းနှင်ချိန် စက်ချို့ယွင်းတဲ့ ယာဉ်တွေ အနေနဲ့ အမြန်လမ်းပေါ်မှာ လုံးဝရပ်တန့်ပြုပြင်လို့မရကြောင်း နဲ့ လမ်းဘေး မြေပြင်ပေါ်ကို မဖြစ်မနေရွှေ့ရမှာဖြစ်ပြီး ယာဉ်ကိုလည်း တတ်ကျွမ်းနားလည်တဲ့ လေ့ကျင့်ထားသူ (သို့) ဝပ်ရှော့ဆရာတွေနဲ့သာပြုပြင်ဖို့ အထက်ပါအဖွဲ့က သတိပေးထားပါတယ်။
