'/%3E%3C/svg%3E){kind=small}
ဇွန် ၅၊ ၂၀၂၆။ ထားမြတ်/People’s Spring
ကချင်ပြည်နယ်၊ ရွှေကူမြို့နယ်က စီတာကျေးရွာရှိ တိုက်နယ်ဆေးရုံကို အာဏာသိမ်းစစ်တပ်က လေကြောင်းကနေ ဗုံးကြဲတိုက်ခိုက်ခဲ့လို့ ပြည်သူ သေဆုံးထိခိုက်မှုရှိခဲ့တယ်လို့ ကချင်လွတ်လပ်ရေးတပ်မတော်(KIO/KIA) သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူက ပြောပါတယ်။
ဇွန်လ ၄ရက် မနက်က စီတာကျေးရွာကို စစ်တပ်က ဗုံးကြဲတိုက်ခိုက်ခဲ့လို့ တိုက်နယ်ဆေးရုံနဲ့ KIO ရုံးထိခိုက်ပျက်စီးမှု သတင်းတွေအပေါ် အခုလိုအတည်ပြု ရှင်းပြပေးတာပါ။
” ဆေးရုံကိုလည်း ဗုံးကြဲတယ်။ ကျနော်တို့ရဲ့ တိုက်နယ်အုပ်ချုပ်ရေးအဆောက်အအုံအဟောင်းကိုလည်း ဗုံးကြဲတယ်တဲ့။ ပြည်သူလူထုတော့ သုံးယောက်လောက်ထိခိုက်တယ်လို့ ကြားရပါတယ်” လို့ ဗိုလ်မှူးကြီးနော်ဘူက ပြောပါတယ်။
Public Service Announcement
ထိခိုက်သူ ၃ဦးအနက် ၂ဦးသေဆုံးတယ်လို့ ကြားရပေမယ့် အတိအကျ အတည်မပြုနိုင်သေးဘူးလို့လည်း ပြောပါတယ်။
KIA နယ်မြေအတွင်း သတင်းတွေဖော်ပြနေတဲ့ 7Stars News ရဲ့ ဖော်ပြချက်မှာတော့ စစ်တပ် လေကြောင်း တိုက်ခိုက်မှုကြောင့် ပြည်သူ ၃ဦး သေဆုံးကာ ဒဏ်ရာ ပြင်းထန်သူ ၂ဦး အပါအဝင် ၇ဦး ဒဏ်ရာရခဲ့တယ်လို့ ဆိုပါတယ်။
အာဏာသိမ်းစစ်တပ်ဟာ ရွှေကူမြို့နယ်အတွင်း စစ်အင်အားအလုံးအရင်းနဲ့ ထိုးစစ်ဆင်နေလို့ မေလကနေ အခု ဇွန်လဆန်းအထိ တိုက်ပွဲတွေ တောက်လျှောက်ပြင်းထန်ခဲ့တာပါ။
စစ်တပ်ဟာ ချင်းပြည်နယ်၊ မင်းတပ်နဲ့ ကန် ပက်လက်မြို့နယ်မှာလည်း ထိုးစစ်ဆင်နေပြီး မင်းတပ်မြို့နယ်နဲ့ ကန်ပက်လက်မြို့နယ်တို့ကို လေကြောင်း တိုက်ခိုက်မှုတွေ ဆက်တိုက်ပြုလုပ်လျက်ရှိပါတယ်။
