ဂန့်ဂေါမြို့နယ် မြင်သားရွာအနီးရှိ မြစ်သာမြစ်ကူးတံတားအနီး ယနေ့မနက်တိုက်ပွဲဖြစ်ပွားရာ စစ်ကောင်စီတပ်မှသေဆုံးထိခိုက်မှုများရှိကြောင်း မြင်သားရွာခံတစ်ဦးကပြောသည်။
စစ်ကောင်စီတပ်က ဂန့်ဂေါ- ကလေး လမ်းအတိုင်း စစ်ကြောင်းထိုးဝင်ရောက်လာ၍ ဒေသခံ ကာကွယ်ရေးတပ်ဖွဲ့များနှင့် ပစ်ခတ်မှု ဖြစ်ပွားခြင်းဖြစ်ကြောင်း၊ စစ်ကောင်စီတပ်များ ဝင်ရောက်လာ၍ မြင်သားရွာအပါ အဝင် အနီးတ၀ိုက်ရှိကျေးရွာများ ထွက်ပြေးတိမ်းရှောင်နေကြရကြောင်း ၎င်းက ဆိုသည်။
“လက်ရှိအခြေအနေမှာ အသံပဲကြားနေရတာ။ ကျွန်မတို့က တောဘက်ထဲအထိ ပြေးပြီဆိုတော့လေ။ ဟိုဘက်ကတော့ အကျအဆုံးသတင်းတွေကြားနေရပြီ စခ(စစ်ကောင်စီ)ဘက်ကလေ။ ဟိုဘက်က အကျအဆုံးများနေပြီလို့ ကြားနေရလို့ ဝမ်းသာလိုက်တာ။ သေချာပေါက်ကျတယ်ဆိုတော့ ဝမ်းသာတယ်။ ဖြစ်တာက အရင်ဖြစ်တဲ့တံတားမှာပဲ”ဟု မြင်သားရွာခံတစ်ဦးက ပြောသည်။
စက်တင်ဘာကလည်း စစ်ကောင်စီတပ်က မြင်သားရွာသို့ ဝင်ရောက်တိုက်ခိုက်ရာ ထိုစဉ်က ကျေးရွာကာကွယ် ရေးအဖွဲ့မှ လူငယ်များက ရရာလက်နက်ဖြင့် ခုခံတိုက်ခိုက်ခဲ့သည်။ စစ်ကောင်စီတပ်က လက်နက်ကြီးများ အသုံးပြု တိုက်ခိုက်ခြင်း ကြောင့် ကျေးရွာဒေသခံ လူငယ် ၁၀ဦးကျော်ကျဆုံးခဲ့သည်။ ထို့ပြင် စစ်ကောင်စီတပ်က ကျေးရွာနေအိမ်များကို မီးရှို့ခြင်း၊ သက်ကြီးရွယ်အိုတစ်ဦး အပါအဝင် ရွာ၌ ကျန်နေသည့် အရပ်သားအချို့ကို သတ်ဖြတ်ခဲ့သည်။
Public Service Announcement
