ဇွန် ၂၆၊၂၀၂၆။ မေရီ/People’s Spring
မကွေးတိုင်း၊ မြိုင်မြို့နယ်ကနေ ရန်ကုန်မြို့မှာ စစ်ရှောင်ရင်း ကိုရင်ဝတ်နေတဲ့ လူငယ်တစ်ဦး ပေါ်တာဆွဲခံလိုက်ရကြောင်း သတင်းရရှိပါတယ်။
စစ်မှုထမ်းဖို့ ပေါ်တာဆွဲခံရတာတွေကို လိုက်လံစုံစမ်းပေးနေတဲ့ “ငြိမ်းချမ်းရေးဆရာတော်” အမည်ရှိ TikTok အကောင့်မှာ အမျိုးသမီးတစ်ဦးက ပေါ်တာဆွဲခံလိုက်ရတဲ့ ၎င်းရဲ့သားဖြစ်သူကိစ္စအတွက် ဆရာတော်ထံ လာရောက်လျှောက်ထားတဲ့ ရုပ်သံမှတ်တမ်းတစ်ခု ပျံ့နှံ့လာခဲ့ပါတယ်။
ရုပ်သံမှာ ၎င်းတို့အပြန်အလှန် ပြောကြားချက်အရ ၎င်းတို့မိသားစုဟာ မကွေးတိုင်း၊ မြိုင်မြို့နယ်မြောက်ခြမ်းကနေ မြို့ပေါ်စစ်ရှောင်လာသူတွေဖြစ်ပြီး သားဖြစ်သူ မောင်ဟိန်းမင်းဇော်ဟာ ရန်ကုန်မြို့မှာ ကိုရင်ဝတ်နေရင်း ပေါ်တာဆွဲခံလိုက်ရတာဖြစ်ကြောင်း သိရပါတယ်။
Public Service Announcement
ယခုအခါ မောင်ဟိန်းမင်းဇော်ဟာ အပတ်စဥ် (၂၂)စစ်မှုထမ်းသင်တန်းမှာ တက်ရောက်ခဲ့ရကြောင်း ဆရာတော်က မိန့်ပါတယ်။
အဆိုပါ ကိုရင် ဘယ်လိုဖမ်းဆီးခံခဲ့ရတယ်၊ ၎င်းရဲ့အသက်အရွယ်နဲ့ မည်သည့်နေ့က ပေါ်တာဆွဲခံခဲ့ရတယ် စတဲ့ အသေးစိတ်အချက်အလက်တွေကို ထည့်သွင်းပြောဆိုတာ မတွေ့ရပါဘူး။
အာဏာသိမ်းစစ်တပ်ဟာ လာမယ့် ဇူလိုင်လမှာ စစ်မှုထမ်းအပတ်စဥ် (၂၆)ကို စတင်ဖို့ ကြိုးစားနေပါတယ်။
