အင်းတော်ကြီးနဲ့ ရွှေကူမှာ တိုက်ပွဲ ဆက်လက်ပြင်းထန်

ဇူလိုင်-၅၊၂၀၂၆။ထားမြတ်/People’s Spring

ကချင်ပြည်နယ်ရွှေကူဒေသမှာတိုက်ပွဲ ဆက်လက်ပြင်းထန်နေပြီးမိုးညှင်းမြို့နယ်၊အင်းတော်ကြီးဒေသမှာလည်း ၄ရက်ဆက်တိုက်ပွဲ ဖြစ်ပွားနေတယ်လို့ ကချင်စစ်ရေးသတင်းရင်းမြစ်အချို့ကပြောပါတယ်။

ဇူလိုင်လဆန်းကစပြီး အင်းတော်ကြီး လုံးတုံဒေသမှာ KIA ပူးပေါင်းတပ်နဲ့ စစ်တပ်လက်အောက်ခံတပ်တွေအကြားတိုက်ပွဲတွေဖြစ်နေတာပါ။

“အင်းတော်ကြီးဘက်မှာ အကြီးအကျယ်ချနေတာ။ပြီးရင်ရွှေကူဘက်မှာဒီမနက် ၇နာရီလောက်ကချတာအခုထိ။အင်းတော်ကြီးဘက်မှာ ကျနော်တို့ ထိုးစစ်ဆင်တာ။ ဒီနေ့ဆို လေးရက်မြောက်ပေါ့”လို့ကချင်စစ်ရေး သတင်းရင်းမြစ်က ပြောပါတယ်။

Public Service Announcement

ရွှေကူတိုက်ပွဲမှာစစ်တပ်ဘက်ကလေကြောင်းပစ်ကူပေးတိုက်ခိုက်လျက်ရှိပြီး ဇူလိုင် ၅ရက်တိုက်ပွဲမှာလည်းစစ်တပ်က လေယာဉ်ပစ်ကူ ၂ ကြိမ်​ပေးခဲ့တယ်လို့သတင်းရင်းမြစ်က ပြောပါတယ်။

ရွှေကူတိုက်ပွဲမှာ စစ်တပ်ကအထိနာလျက်ရှိတယ်လို့ပြောပါတယ်။စစ်တပ်ဟာ ရှမ်းမြောက် မဘိမ်းမြို့နယ်၊ငါးအိုးဒေသကနေ ရွှေကူကို စစ်အင်အားဖြည့်တင်းပြီး အဲဒီကတဆင့် ဗန်းမော်ကို စစ်ကူပို့ဖို့ ကြိုးပမ်းနေတာဖြစ်ပါတယ်။

စစ်တပ် စစ်​ကြောင်းတွေကို KIA/PDF ပူးပေါင်းတပ်ကခုခံတိုက်ခိုက်လျက်ရှိပြီးရွှေ့ကူမြို့နယ်မှာ မေလဆန်းက စတိုက်ပွဲတွေ ဆက်တိုက်ဖြစ်ပွားနေတာပါ။

ပြီးခဲ့တဲ့ရက်ပိုင်းရွှေကူကနေဗန်းမော်ကို ဦးတည်လာတဲ့ စစ်ကြောင်း​တွေကို KIA ပူးပေါင်းတပ်ကတိုက်ခိုက်ခဲ့တာမှာ စစ်တပ်အထိနာပြီး တပ်လန်သွားတယ်လို့စစ်​ရေးသတင်းရင်းမြစ်အချို့က​ပြောပါတယ်။

ရွှေကူမြို့နယ်တိုက်ပွဲ နှစ်လတာအတွင်း စစ်ကောင်စီတပ်ဖွဲ့ဝင် သေဆုံးထိခိုက်မှု ရာချီရှိပြီး စစ်သုံ့ပမ်းတွေ၊ လက်နက်ခဲယမ်းတွေကို KIA ပူးပေါင်းတပ်က သိမ်းရတာတွေလည်းရှိတယ်လို့ ကချင်စစ်ရေးသတင်းရင်းမြစ်အချို့က ပြောပါတယ်။

စစ်တပ်အနေနဲ့ ဗန်းမော်ကို မြေပြင်ကနေ စစ်ကူပို့ဖို့ လွယ်ကူမှာ မဟုတ်ဘူးလို့လည်း သတင်းရင်းမြစ်က ပြောပါတယ်။စစ်တပ်ဟာ KIA ပူးပေါင်းတပ်က မြို့သိမ်းတိုက်ပွဲဖော်ဆောင်နေတဲ့ ဗန်းမော်မြို့မကျရေး လေကြောင်း၊ရေကြောင်း တွေကနေလည်း စစ်အင်အားဖြည့်တင်း​နေတာကို KIAနဲ့မဟာမိတ်​တွေက အကြိမ်ကြိမ် ကြားဖြတ်တိုက်ခိုက်

​​နေပါတယ်။ဗန်းမော်တိုက်ပွဲဟာ တနှစ်ခွဲကျော်ကြာနေပြီဖြစ်ပြီး စစ်တပ်ဟာ ကချင်ဒေသ စစ်ရေးအတွက် အရေးပါတဲ့ ဗန်းမော်မကျရေးနည်းမျိုးစုံသုံး ခုခံလျက်ရှိပါတယ်။