Connect with us

Hi, what are you looking for?

သတင်း

စစ်ရေးနဲ့ နိုင်ငံရေးမှာ ချင်းကာကွယ်ရေးတပ်တွေရဲ့ အခန်းကဏ္ဍမြှင့်တင်ဖို့ ချင်းပြည်ကောင်စီအဖွဲ့ဝင် CDFများ တွေ့ဆုံ

ချင်းပြည် (Chinland) ကောင်စီအစုအဖွဲ့ဝင် မြို့နယ်နဲ့ ဒေသအဖွဲ့အစည်းများ ပထမအကြိမ် တွေ့ဆုံပွဲ ပြုလုပ်ပြီး စစ်ရေးနိုင်ငံရေးမှာ ချင်းဒေသကာကွယ်ရေးတပ်ဖွဲ့(CDF)များရဲ့ အခန်းကဏ္ဍ မြှင့်တင်ဖို့ ဆွေးနွေးခဲ့ကြောင်း တွေ့ဆုံပွဲ သတင်းထုတ်ပြန်ချက်မှာ အသိပေးထားပါတယ်။

(ချင်းအမျိုးသားတပ်မတော်(CNA)ရဲ့ တပ်ခွဲမှူးသင်တန်းနဲ့ အကြပ်ငယ်သင်တန်းဆင်းပွဲ။ ဓာတ်ပုံ - Chinland Information Center)

အောက်တိုဘာ ၄၊ ၂၀၂၆။ ထားမြတ်/People’s Spring

ချင်းပြည် (Chinland) ကောင်စီအစုအဖွဲ့ဝင် မြို့နယ်နဲ့ ဒေသအဖွဲ့အစည်းများ ပထမအကြိမ် တွေ့ဆုံပွဲ ပြုလုပ်ပြီး စစ်ရေးနိုင်ငံရေးမှာ ချင်းဒေသကာကွယ်ရေးတပ်ဖွဲ့(CDF)များရဲ့ အခန်းကဏ္ဍ မြှင့်တင်ဖို့ ဆွေးနွေးခဲ့ကြောင်း တွေ့ဆုံပွဲ သတင်းထုတ်ပြန်ချက်မှာ အသိပေးထားပါတယ်။

ချင်းပြည်ကောင်စီ CDF တွေဟာ စက်တင်ဘာ ၂၅ရက်ကနေ ၂၇ရက်အထိ ချင်းပြည်တနေရာမှာ သီးသန့်တွေ့ဆုံဆွေးနွေးကာ အခုလို အသိပေးလာတာဖြစ်ပါတယ်။

တွေ့ဆုံပွဲမှာ ချင်းပြည်တည်ဆောက်ရေး၊ ချင်းအမျိုးသားညီညွတ်ရေးနဲ့ စစ်အာဏာရှင်လက်အောက်မှ လွတ်မြောက်ရေး အတွက် စစ်ရေးနဲ့ နိုင်ငံရေးမှာ CDF တွေရဲ့ အခန်းကဏ္ဍ မြင့်တင်ဖို့၊ ချင်းနွေဦးတော်လှန်ရေး အဖွဲ့များ စည်းလုံးညီညွတ်စွာ ပူးပေါင်းဆောင်ရွက်ရေးကိစ္စ တွေ သဘောထား စုစည်းနိုင်ခဲ့ကြောင်း ထုတ်ပြန်ပါတယ်။

Public Service Announcement

Public Service Announcement

” ၂၀၂၁ နွေဦးတော်လှန်ရေး ၅ နှစ်ကျော်ကာလအတွင်း ချင်းတော်လှန်ရေးအဖွဲ့များအကြား ယုံကြည်မှုတည်ဆောက်ရေးနှင့် စည်းလုံးညီညွတ်မှုအားနည်းနေသည့်အပေါ် ချင်းပြည်သူများလည်း စိုးရိမ်မှုရှိနေသည်ကို ဝမ်းနည်းဖွယ် တွေ့မြင်နေရပါသည်။” လို့လည်း ဖော်ပြထားပါတယ်။

ချင်းပြည်ကောင်စီအဖွဲ့ဝင် CDFတွေအနေနဲ့ ချင်းပြည် (Chinland) ကောင်စီ စုစည်းမှုပိုမို အားကောင်းရေးနဲ့ ချင်းတော်လှန်ရေး အဖွဲ့များ စုစည်းပြီး စစ်အာဏာရှင်မှန်သမျှ ချုပ်ငြိမ်းရေးနဲ့ ဖက်ဒရယ်ဒီမိုကရေစီပြည်ထောင်စု ပေါ်ပေါက်လာရေးအတွက် ဆက်လက်ပြီး ရွပ်ရွပ်ချွံချွံ တိုက်ပွဲဝင်သွားမယ်လို့ တော်လှန်ပြည်သူတွေကို အသိပေးကြောင်းလည်းထုတ်ပြန်ပါတယ်။

ချင်းပြည်ကောင်စီကို ချင်းအမျိုးသားတပ်ဦး/ချင်းအမျိုးသားတပ်မတော်(CNF/CNA)နဲ့ CDF တပ်တွေ ပူးပေါင်းစုဖွဲ့ထားတာဖြစ်ပြီး စစ်ရေးဆိုင်ရာကို ချင်းပြည်ကောင်စီ ချင်းပြည်အစိုးရ ကာကွယ်ရေးဝန်ကြီးဌာန ကြီးကြပ်မှုနဲ့ ဆောင်ရွက်နေတာဖြစ်ပါတယ်။

ချင်းပြည်အစိုးရ ကာကွယ်ရေးဝန်ကြီးဌာနအောက်မှာ CNA နဲ့ ဒေသကာကွယ်ရေးတပ် CDF ၁၉ ဖွဲ့ ပါဝင်ပြီး ပူးတွဲစစ်ဆင်ရေးတွေကို ညှိနှိုင်းဖော်ဆောင်ခဲ့ကြတာလို့ ဆိုပါတယ်။

မြေပြင် စစ်ဆင်ရေးလိုအပ်ချက်တွေ ဖြည့်ဆည်းဖို့ ကာကွယ်ရေးပေါင်းစပ်ညှိနှိုင်းရေးအဖွဲ့ ကို သက်ဆိုင်ရာတပ်ဖွဲ့တွေက ထိပ်ပိုင်းအရာရှိတွေနဲ့ ၂၀၂၅ အောက်တိုဘာမှာ ဖွဲ့စည်းထားကြောင်း ချင်းပြည်ကောင်စီ ကာကွယ်ရေးဝန်ကြီးဌာနက ထုတ်ပြန်ထားပါတယ်။ အမိန့်ပေးစီးဆင်းမှုစနစ် တခုတည်းအောက်မှာ CNA နဲ့ CDF များ စုစည်းနိုင်ရေး ချင်းပြည်အစိုးရတပ်ဖွဲ့ ဖွဲ့စည်းမှု လုပ်ငန်းစဉ်များ ဆောင်ရွက်နေကြောင်းလည်း အသိပေးထားပါတယ်။

ဆက်စပ်သတင်းများ

သတင်း

စစ်အာဏာရှင်စနစ် အဆုံးသတ်ရေး၊ ငြိမ်းချမ်းရေးနဲ့ တည်ငြိမ်ရေး ပြန်လည်တည်ဆောက်ရေး၊ ဒီမိုကရေစီစနစ် ပြန်လည်ရရှိရေး၊ ဖက်ဒရယ်ဒီမိုကရေစီပြည်ထောင်စု တည်ဆောက်ရေးတို့အတွက် ဖက်ဒရယ်ဒီမိုကရေစီ ပြည်ထောင်စုပေါ်ထွန်းရေးဦးဆောင်ကောင်စီ(SCEF)မှာ အဓိက ဦးဆောင်အဖွဲ့အစည်းတစ်ရပ်အဖြစ် လက်တွဲကြိုးပမ်းလျက်ရှိကြောင်း ပြည်ထောင်စုလွှတ်တော်ကိုယ်စားပြုကော်မတီ(CRPH)က ထုတ်ပြန်ပါတယ်။

ဆောင်းပါး

ALNAP ၏ မြန်မာနိုင်ငံဆိုင်ရာ ၂၀၂၆ ခုနှစ် လူသားချင်းစာနာမှုစနစ် အခြေအနေ အစီရင်ခံစာ

သတင်း

ချင်းပြည်ကောင်စီ ဦးဆောင်အဖွဲ့ ပုံမှန်အစည်းအဝေးကို ကောင်စီရုံးစိုက်ရာ ချင်းလုံမြို့မှာ ကျင်းပခဲ့ပြီး စစ်ရေး နဲ့ နိုင်ငံရေးအခြေအနေတွေကို သုံးသပ်ဆွေးနွေးခဲ့ဟု ချင်းပြည်ကောင်စီက အသိပေးပါတယ်။