'/%3E%3C/svg%3E){kind=small}
နိုဝင်ဘာ ၉၊ ၂၀၂၆။ ထားမြတ်/People’s Spring
ချင်းပြည်နယ်၊ တီးတိန်မြို့နယ်မှာ အာဏာသိမ်းစစ်တပ်လက်အောက်ခံ ရဲတပ်သား ၁ဦး အလင်းဝင်လာကြောင်း ချင်းဒေသကာကွယ်ရေးတပ် PDF ဇိုလဲန်းက သတင်းထုတ်ပြန်ပါတယ်။
ရဲတပ်သား အောင်ဇော်မိုးဟာ နိုဝင်ဘာ ၉ရက်မှာ တီးတိန်မြို့နယ် ကနေဒီတောင် ဒေသမှာ အလင်းဝင်ရောက်လာတာလို့ ဆိုပါတယ်။
အလင်းဝင်ရောက်လာသူ ရဲတပ်သားဟာ ရန်ကုန်မြို့ ရဲတပ်ရင်း(၈)က ဖြစ်တယ်လို့ ဆိုပါတယ်။
Public Service Announcement
အလင်းဝင်လာသူဟာ လက်နက်ပါလာခြင်းရှိမရှိတော့ ဖော်ပြမထားပါဘူး။
ဩဂုတ်လအတွင်းကလည်း တီးတိန်မြု့နယ်အခြေစိုက် ခလရ(၂၆၉)တပ်ရင်းက တပ်သား ၃ဦးဟာ တီးတိန်မြို့နဲ့ ကနေဒီတောင်ကြား ဗာလ်ဗုမ်လမ်းခွဲမှာ တာဝန်ထမ်းဆောင်စဉ် ထွက်ပြေးကာ PDF ဇိုလဲန်းထံ အလင်းဝင်ရောက်ခဲ့ပါတယ်။
တီးတိန်မြို့နယ်အတွင်း စစ်တပ်ကို တိုက်ခိုက်နေတဲ့ PDF ဇိုလဲန်း တပ်ဟာ ချင်းညီနောင်အဖွဲ့ဝင် တပ်ဖွဲ့တခုလည်းဖြစ်ပါတယ်။
