ဇန်ဝါရီ ၉ ရက်နေ့ မှစ၍ ဝက်လက်မြို့နယ်အတွင်း ခရီးသွားပြည်သူများ အနေဖြင့် ည ( ၉ ) နာရီမှ နံနက် ( ၄ ) နာရီ အတွင်း ရွှေဘို – မန္တလေး လမ်းမကြီး၊ ရွှေဘို – အရာတော် -မုံရွာ ဖြတ်လမ်း၊ ရွာသာကြီး – ဝက်လက်လမ်း၊ အစရှိသည့်လမ်းပိုင်းများအား ဖြတ်သန်းသွားလာခြင်းမပြုရန် ဝက်လက်မြို့နယ် ပြည်သူ့ကာကွယ်ရေးအဖွဲ့ ( တပ်ရင်း – ၁ ) မှအသိပေးထုတ်ပြန်ကြေညာသည်။
ကန့်သတ်ထားသော အချိန်အတွင်း ဖြတ်သွားလာပါက မိမိတာဝန်သာဖြစ်ကြောင်း၊ ဖြစ်လာမည့်အကျိုးဆက်များကို တာဝန်ယူမည်မဟုတ်ကြောင်း ၊ ထပ်မံအသိပေးကြေညာချက် မထုတ်ပြန်ချိန်အထိ အကြုံးဝင်ကြောင်း၊ ဝက်လက်မြို့နယ် ပြည်သူ့ကာကွယ်ရေးအဖွဲ့ ( တပ်ရင်း – ၁ )ကအသိပေးသည်။
ဝက်လက်မြို့နယ်အတွင်း ဖြတ်သန်းသွားလာနေသော အကြမ်းဖက်စစ်ကောင်စီတပ်ကားများ မကြာခဏမိုင်းဆွဲတိုက်ခိုက်ခံရလေ့ရှိပြီး ဒီဇင်ဘာလ ၃၁ ရက်နေ့မှစတင်ကာ ဝက်လက်မြို့နယ် အရှေ့ခြမ်း၌ ဒေသတွင်း PDFများနှင့် ဝက်လက်ပြည်သူ့ကာကွယ်ရေးအဖွဲ့များ တိုက်ပွဲပြင်းထန်စွာ ဖြစ်ပွားခဲ့ပြီး စစ်ကောင်စီဘက်ကအကျအဆုံးများခဲ့သည်။
