စစ်ကိုင်းတိုင်း ရေဦးမြို့နယ်တွင် အကြမ်းဖက်စစ်ကောင်စီတပ်အား ဒေသတွင်းPDF သုံးဖွဲ့ပေါင်းကာ ခုခံတိုက်ခိုက်ခဲ့ပြီး ထိခိုက်သေဆုံးမှုများနိုင်ကြောင်း ရေဦးပြည်သူ့ကာကွယ်ရေးအဖွဲ့ (ပကဖ- ရေဦး)သတင်းထုတ်ပြန်သည်။
ယနေ့ (ဇန်နဝါရီလ ၁၁ ရက်) နံနက် ၇ နာရီ ခွဲအချိန်ခန့်က ရေဦးမြို့နယ်၊ တောင်ဂွင်ရွာ နှင့် တောကျောင်းအကြားရှိ စစ်ကောင်စီအဖွဲ့ကို PDF(YEU)၊ ပကဖ(ရေဦး) နှင့် ဒေသခံတော်လှန်ရေးအဖွဲ့တို့ပူးပေါင်းပြီး ပြောက်ကျားစနစ်ဖြင့် ဆယ်မိနစ်ခန့်လက်နက်ငယ်ဖြင့်ဝင်ရောက် တိုက်ခိုက်ခဲ့ကြောင်းထုတ်ပြန်သည်။ ထို့နောက် အထိအခိုက်မရှိ ပြန်လည်ဆုတ်ခွာနိုင်ခဲ့ပြီး စစ်ကောင်စီဘက်မှအကျ
အဆုံးမသိရသေးကြောင်းပကဖ(ရေဦး)ကအသိပေးသည်။
အကြမ်းဖက်စစ်ကောင်စီတပ်သည် ရေဦးမြို့နယ်အတွင်းရှိ ကျေးရွာများအား တစ်ရွာပြီးတစ်ရွာ စစ်ကြောင်းထိုးကာဝင်ရောက်နေပြီး ပစ်ခတ်မှုများလည်းရှိနေကြောင်း ဒေသခံများကပြောသည်။
“မနေ့ညက ည ၇ နာရီလောက်မှာ ချမ်းသာရွာထဲဝင်ပြီး ပစ်ခတ်နေတယ်။ ရွာတွေလည်းထွက်ပြေးနေရတယ်။”ဟု ရေဦးဒေသခံတစ်ဦးကပြောသည်။
Public Service Announcement
ဇန်နဝါရီလ ၁ ရက်နေ့ နံနက်ပိုင်းက စစ်ကိုင်းတိုင်း၊ ရေဦးမြို့နယ် အင်တောရွာကို ရိက္ခာလာယူသည့် စစ်ကောင်စီတပ်ဖွဲ့အား ဒေသတွင်း PDFများက မိုင်းခွဲတိုက်ခိုက်ခဲ့ရာ စစ်ကောင်စီတပ်ဖွဲ့ဝင် သုံးဦးသေဆုံးခဲ့သည်။ ဇန်နဝါရီလ ၉ ရက်နေ့နံနက်ပိုင်းကလည်း ရေဦးမြို့နယ်၊ မကျီးနီကျေးရွာ ဘောလုံးကွင်းမှ စစ်ကောင်စီတပ်များ ထွက်လာစဥ် ဒေသခံတော်လှန်ရေးအဖွဲ့များက မိုင်းများ၊ လက်လုပ်ရှော့ဂမ်း သုံးလုံးဖြင့် ခုခံတိုက်ခိုက်ခဲ့သေးသည်။
