စစ်​ကောင်စီတပ်သားတစ်ဦး လက်နက်အပြည့်စုံဖြင့် ပြည်သူနှင့်ပူး​ပေါင်း

ချင်းပြည်နယ် ဖလမ်းမြို့နယ်မှ အာဏာသိမ်းစစ်​ကောင်စီ၏ ခလရ(၂၆၈)တပ်မှ တပ်သားဇင်လင်းအောင်သည် လက်နက်ခဲယမ်းအပြည့်အစုံဖြင့် ပြည်သူနှင့်အတူပူး​ပေါင်းရန် CNO/CNDFထံသို့ လက်နက်အပြည့်စုံဖြင့် အလင်းဝင်ရောက်ခဲ့​ကြောင်း CNO (ချင်းအမျိုးသားအဖွဲ့ချုပ်)က ထုတ်ပြန်သည်။

တပ်သားဇင်လင်း​အောင်ကိုယ်ပိုင်အမှတ် တ-၅၄၂၁၂၁ မှ အကြမ်းဖက်စစ်ကောင်စီအပေါ် နာကျည်းချက်များစွာ ရှိသောကြောင့်ဟုဆိုကာ ပြည်သူနှင့်အတူပူးပေါင်းရန် CNDF (ချင်းအမျိုးသားကာကွယ်​​ရေးတပ်ဖွဲ့)ထံသို့ လက်နက်အပြည့်စုံဖြင့် အလင်းဝင်ရောက်ခဲ့ခြင်းဖြစ်ပြီးCNO/CNDF မှလည်း ဆုကြေးငွေချီးမြှင့်ခဲ့ပြီး လွတ်မြောက်နယ်မြေသို့ ပို့ဆောင်ပေးခဲ့​ကြောင်း ​ဖော်ပြထားသည်။

ယခုအခါ အကြမ်းဖက်စစ်​ကောင်စီကိုစွန့်ခွာ၍ ပြည်သူနှင့်ပူး​ပေါင်းလာ​​သော တပ်မ​တော်သားနှင့်ရဲ တပ်ဖွဲ့ဝင် တစ်​သောင်းဝန်းကျင်ရှိလာပြီ ဖြစ်သည်။