ယာယီသမ္မတဦးဆောင်သည့် လူသားချင်းစာနာကူညီရေးနှင့် ဘေးအန္တရာယ်တုံ့ပြန်ရေးကော်မရှင်ဖွဲ့

မြန်မာနိုင်ငံအတွင်း ဘေးအန္တရာယ်အမျိုးမျိုး ကျရောက်ချိန်များတွင် ကူညီကယ်ဆယ်ရေး၊ လူသားချင်း စာနာမှုအထောက်အပံ့များ ပေးအပ်ရေးနှင့် အရေးပေါ်တုံ့ပြန်ရေးတို့အတွက် လိုအပ်သည့် စီမံခန့်ခွဲမှုကိစ္စရပ်များ ကြီးကြပ်လမ်းညွှန် ပေးနိုင်ရန် ကော်မရှင်ကို ဖွဲ့စည်းခြင်းဖြစ်ကြောင်း NUGက ထုတ်ပြန်သည်။

အဆိုပါ ကော်မရှင်တွင် ပြည်ထောင်စုဝန်ကြီးချုပ် မန်းဝင်းခိုင်သန်း အပါအဝင် NUG ဝန်ကြီးများ စုစုပေါင်း ၁၄ဦးဖြင့် စုဖွဲ့ထားကာ လိုအပ်ပါက အဖွဲ့ဝင်များ တိုးချဲ့ခြင်းနှင့် လုပ်ငန်းကော်မတီများ ထပ်မံဖွဲ့စည်းခြင်း ဆောင်ရွက်သွားမည်ဟုဆိုသည်။