ကိုးကန့်လက်နက်ကိုင်တပ်ဖွဲ့(MNDAA)နှင့် အာဏာ သိမ်းစစ်ကောင်စီတပ်တို့ ဇန်နဝါရီ ၁၇ရက်တွင် မုံးကိုးခရိုင်အတွင်း တိုက်ပွဲဆက်လက်ဖြစ်ပွားခဲ့ကြောင်း MNDAAက ယနေ့ ထုတ်ပြန်သည်။
ဇန်နဝါရီ ၁၇ရက်မွန်းလွဲပိုင်းတွင် စစ်ကောင်စီ၏ ကင်းလှည့်စစ်ကြောင်းတစ်ခုသည် မုံးကိုးခရိုင် ပန်ရင်လပ ရှိ MNDAA တပ်စခန်းကို ထိုးစစ်ဆင်ရန် ချဉ်းကပ်လာရာ MNDAAက ၎င်းတို့၏ လှုပ်ရှားမှုကို တွေ့ရှိပြီး ဦးစွာ ကြားဖြတ် ပစ်ခတ်တိုက်ခိုက်ခဲ့သည်ဟု ဖော်ပြထားလသည်။
အဆိုပါ တိုက်ပွဲမှာ မိနစ် ၂၀ခန့်ကြာမြင့်ခဲ့ပြီး MNDAA ဘက်က ထိခိုက်ကဆုံးမှုမရှိကြောင်း၊ စစ်ကောင်စီတပ်မှ ထိခိုက်ကျဆုံးမှု အခြေအနေကိုအတိအကျ မသိရကြောင်း ထုတ်ပြန်သည်။
စစ်ကောင်စီတပ်အနေဖြင့် ဇန်နဝါရီ ၁၆ရက် နှင့်၁၇ရက် တို့တွင် မုံးကိုးခရိုင်ရှိ MNDAA တပ်စခန်းများကို လက်နက်ကြီး ၊စက်သေနတ်၊ စနိုက်ပါတို့ဖြင့် ဆက်လက် ပစ်ခတ်တိုက်ခိုက်ခဲ့သည်ဟု MNDAAက ဆိုသည်။
Public Service Announcement
