'/%3E%3C/svg%3E){kind=small}
အကြမ်းဖက်စစ်ကောင်စီမှ CDM ဝန်ထမ်းများအစား အလုပ်လျှောက် လွှာသစ်များခေါ်ယူနေသော သက်ဆိုင် ရာဌာနရုံးများ၊ CDM ဝန်ထမ်းများကို ခြိမ်းခြောက်ကာ အယူခံခိုင်းခြင်း၊ အကြွေးတောင်းလုပ်ရပ်များ ချက်ချင်းရပ်တန့်ရန်နှင့် ဆက်လက်လုပ်ဆောင်နေပါက ရုံးတွင်းတိုက်ခိုက်မှုနှင့် တစ်ဦးချင်းတိုက်ခိုက်မှုအတွက် အသက်အန္တရာယ်အာမမခံနိုင်ကြောင်း ပြင်းထန်စွာ သတိပေးလိုက်ကြောင်း Chinland Defense Force(CDF)က ယနေ့ညတွင် ထုတ်ပြန်သည်။
အကြမ်းဖက်စစ်ကောင်စီနှင့် အပေါင်းအပါ Non CDMers တို့သည် အမှန်တရားဖက်တွင် စွဲမြဲစွာရပ်တည် လျက်ရှိသော CDMers များအပေါ် မတရားသောနည်းလမ်းမျိုးစုံဖြင့် အလုပ်ပြန်ဝင် ရန်အယူခံစေခြင်း၊ အကြွေး တောင်းခံစာများပေးပို့ခြင်း၊ ဖိနှိပ်ခြိမ်းခြောက်နှောင့်ယှက်ခြင်း၊ အလုပ်လျှောက်လွှာသစ်ခေါ်ယူခြင်း၊ လူလူချင်း နိုင်ထက်စီးနင်း ခေါင်းပုံဖြတ်လုပ်ရပ်များအား ပုံစံအမျိုးမျိုးဖြင့် ကျူးလွန်လုပ်ဆောင်နေဆဲဖြစ်သည်ဟု ထုတ်ပြန်ချက်တွင် ဖော်ပြထားသည်။
ထို့အပြင် CDM လုပ်သူများအတွက် ကူညီကာကွယ်ရန်နှင့် CDM မလုပ်သူများသည် ပြည်သူ့အစိုးရကို ဆန့် ကျင် ပုန်ကန်သူအဖွဲ့အဖြစ် မှတ်ယူသွားမည်ဖြစ်ကြောင်း အမျိုးသားညီညွတ်ရေးအစိုးရအဖွဲ့၏ ကြေညာချက်အမှတ် (၅/၂၀၂၁)ဖြင့် သော်လည်း ကောင်း၊ CDM ပြုလုပ်သူများထိခိုက်ဖိနှိပ်ခြိမ်းခြောက်နှောင့်ယှက်သူများ ထိရောက်စွာ အရေးယူဆောင်ရွက်သွားမည်ဖြစ်ကြောင်း Chinland Defense Force(CDF)မှ သတိပေး ထုတ်ပြန်ပြီးသားဖြစ်ပါသည်ဟု ပါရှိသည်။
