ရှမ်းပြည်နယ် မူပန်(သိန္နီ)ဒေသ၌ ကိုးကန့်လက်နက်ကိုင်တပ်ဖွဲ့ (MNDAA)နှင့် စစ်ကောင်စီတပ်တို့ တိုက်ပွဲဖြစ်ပွားခဲ့ရာ စစ်ကောင်စီတပ်၏ လက်နက်အချို့ရဟု MNDAAက ယနေ့ ထုတ်ပြန်သည်။
MNDAAနှင့် စစ်ကောင်စီတို့သည် ဇန်နဝါရီလ၂၃ ရက်က ကိုးကန့်ခရိုင်နှင့် မူပန်ခရိုင်၌ တိုက်ပွဲဖြစ်ခဲ့သည်ဟုဆိုသည်။
ကိုးကန့်ခရိုင် ရှင်ဝမ့်ဒေသ လိုင်ဟုရှိ ရွာ၏အနောက်ဘက်တွင် တစ်ကြိမ်၊ မူပန်ခရိုင် လိုင်းကျန်ဒေသ၌ တစ်ကြိမ် တိုက်ပွဲဖြစ်ပွားခဲ့ကြောင်း ၎င်းတိုက်ပွဲနှစ်ကြိ¹ MNDAAဘက်မှ ထိခိုက်ကျဆုံး မရှိသည့်အပြင် စစ်ကောင်စီထံ စကားပြောစက်(၁)လုံးနှင့် ရိုင်ဖယ်သေနတ်(၁) သိမ်းဆည်းရမိခဲ့ကြောင်း ထုတ်ပြန်သည်။
စစ်ကောင်စီတပ်အနေဖြင့် ဇန်နဝါရီ ၂၄ရက်တွင် တရုတ်နယ်စပ်ရှိ ကိုးကန့် မော်ထိုက်ဒေသမှ လက်နက်ကြီးဖြင့် ပစ်ခတ်တိုက်ခိုက်ခဲ့ကြောင်း၊ စစ်ကောင်စီသည် မုံးကိုးခရိုင်တွင်း တိုက်ပွဲဖြစ်ပွားလာသည်နှင့်အမျှ ကိုးကန့်လုံခမ်း ၊ ဟေးရှိန် ဒေသမှ လက်နက်ကြီးများဖြင့် MNDAA၏ မန်ရန်တပ်စခန်းနှင့် ရှိကျိကျတောင်ကုန်း ကို ပစ်ခတ်တိုက်ခိုက်ခဲ့ကြောင်း ဖော်ပြထားသည်။
Public Service Announcement
