ကချင်ပြည်နယ် မိုးညှင်းမှ မိုးကောင်းဘက်သို့ တက်လာသည့် စစ်ကောင်စီယာဉ်တန်းကို ဟိုပင် တိုးဂိတ်အနီးတွင် တိုက်ခိုက်ခဲ့ရာ ရန်သူ့ဘက်က ယာဉ်တန်း စစ်ကြောင်းမှူး အပါအဝင် စစ်ကောင် စီတပ်ဖွဲ့ဝင် ၁၄ဦးသေဆုံးခဲ့ကြောင်း ဟိုပင်ပြည်သူ့ကာကွယ်ရေးတပ်(PDF)က ထုတ်ပြန်သည်။
ယမန်နေ့ (ဇန်နဝါရီ ၂၈ရက်)က မိုးညှင်းမှ မိုးကောင်းဘက် တက်လာသည့် တင့်ကားပါသောစစ်ကောင်စီယာဉ်တန်းကို ၅မိုင်နှင့် ကြားကြီးကွင်းတွင် မိုင်းဖြင့် တိုက်ခိုက်ခဲ့ပြီး ဟိုပင်တိုးဂိတ်အနီးတွင် ထပ်မံ ပစ်ခတ်တိုက်ခိုက်ခဲ့သည်ဟု ဆိုသည်။
ဟိုပင်တိုးဂိတ် တိုက်ခိုက်မှုတွင် ယာဉ်တန်း စစ်ကြောင်းမှူး အပါအဝင် ၁၄ဦးသေဆုံးပြီး ၊ငါးမိုင် -ကြာကြီးကွင်းကြား မိုင်းဆွဲ တိုက်ခိုက်ရာတွင်လည်း ဒု – စစ်ကြောင်းမှူးပါသေဆုံးကြောင်း ဟိုပင် PDFက ယနေ့ ထုတ်ပြန်သည်။ စစ်ကောင်စီတပ်မှ ဒဏ်ရာရှိ ၃၂ ဦးဝန်းကျင်ရှိကြောင်းလည်းဖော်ပြသည်။
ယမန်နေ့ တိုက်ပွဲတွင် PDF တပ်ဖွဲ့ဝင်များထိခိုက်ကျဆုံးမှု မရှိဟုလည်း ထုတ်ပြန်ထားသည်။
Public Service Announcement
