ရေးမြို့တွင် ကင်းလှည့်နေသည့် စစ်ကောင်စီတပ်မှ ကားတစ်စီးကို ဖောက်ခွဲတိုက်ခိုက်ခဲ့ကြောင်း ရေးမြို့နယ်ပြည်သူ့ကာကွယ်ရေးအဖွဲ့(YGF)က ယနေ့(ဖေဖော်ဝါရီ ၂)ထုတ်ပြန်သည်။
ယမန်နေ့(ဖေဖော်ဝါရီ ၁)ည ၇ နာရီ မိနစ်၄၀ခန့်က ရေးမြို့ ရန်မျိုးအောင်ရပ်ကွက် အ.ထ.က(၁) ကျောင်းအနီး လက်နက်အပြည့်အစုံဖြင့် ကင်းလှည့်နေသော အကြမ်းဖက်စစ်ကောင်စီလက် အောက်ခံတပ်၏ ကားတစ်စီးအား မိုင်းခွဲတိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြ သည်။
“စကစဘက်မှ နှစ်ဦး အပြင်းအထန် ဒဏ်ရာရရှိ၍ အသက်သေဆုံးနိုင်သည်ဟု ကြားသိရသည်”ဟု YGF က အသိပေးသည်။
အထက်ပါတိုက်ခိုက်မှုဖြစ်စဥ်အတွင်း ရေးမြို့နယ်ပြည်သူ့ကာကွယ်ရေးအဖွဲ့ (YGF)မှ တော်လှန်ရေးရဲဘော်များ အထိအခိုက်မရှိဘဲ ပြန်လည်ဆုတ်ခွာနိုင်ခဲ့ကြောင်း ထုတ်ပြန်ထား သည်။
Public Service Announcement
ယနေ့နံနင်ပိုင်းကလည်း စစ်ကောင်စီထောက်တိုင် ရေးမြို့နယ် အစင်ကျေးရွာအုပ်ချုပ်ရေးမှူး ဦးမောင်းမြင့်ဆိုသူ ဦးခေါင်းအားသေနတ်ဖြင့် ပစ်ခံခဲ့ရပြီး မည်သူ့အဖွဲ့ကလုပ်ဆောင်သည်ဆိုခြင်းကို မသိရသေးပေ။
