ချင်းပြည်နယ် ဖလမ်းမြို့နယ် နေရာအချို့တွှင် ချင်းအမျိုးသားကာကွယ်ရေးတပ်ဖွဲ့(CNDF)နှင့် စစ်ကောင်စီတပ် တို့ ဇန်နဝါရီလအတွင်း တိုက်ပွဲ ၁၂ကြိမ်ဖြစ်ပွားခဲ့ရာ စစ်ကောင်စီတပ်မှ ၈၁ဦး သေဆုံးပြီး ၆၀ ဦးထက်မနည်း ဒဏ်ရာရရှိခဲ့သည်ဟု ချင်းအမျိုးသားအဖွဲ့ချုပ်(CNO)က ထုတ်ပြန်သည်။
အင်အား ၃၀၀ ခန့် ရှိသည့် အကြမ်းဖက်စစ်ကောင်စီ တပ်သည် ဇန်နဝါရီ ၆ရက်မှ စ၍ ထိုးစစ်ဆင်လာသည့် အပေါ် CNO လက်အောက်ခံ CNDF တပ်ဖွဲ့က ခုခံတိုက်ခိုက်ခဲ့သည်ဟုဆိုသည်။
တိုက်ပွဲဖြစ်ပွားရာ အနီးအနား ၈နေရာတွင် စစ်ကောင်စီတပ်မှ အလောင်းများ ပုံထားသည်ကို တွေ့ရကြောင်း၊ ၆၀ မမ ၊ ၄၀ မမ နှင့် ကျည်အများအပြား သိမ်းဆည်းရမိကြောင်း ထုတ်ပြန်သည်။
CNDF တပ်မှလည်း မိုင်းရှင်းလင်းစဉ် ဒဏ်ရာရသူ တစ်ဦး အပါအဝင် တိုက်ပွဲကာလအတွင်း ၈ဦး ဒဏ်ရာရခဲ့ပြီး ၁ဦး ကျဆုံးခဲ့သည်ဟု ဆိုသည်။
Public Service Announcement
CNDFနှင့် စစ်ကောင်စီတပ်တို့ တိုက်ပွဲဖြစ်ပွားရာ နေရာများမှာ ဖလမ်းမြို့နယ် သီးဘွာလ်စခန်း၊ ဝေဘူလမြို့အနီး၊ ဟရီယာန်ရွန်းကျေးရွာ၊ မွှန်လွှရွာ၊ ပါရ်သဲရွာ၊ လာသီးရွာ၊ ဇောင်လဲရွာ၊ ဗားရ်စခန်းနှင့် လုံဘန်းရွာအနီးတို့ ဖြစ်သည်ဟု ဖော်ပြထားသည်။
