ကရင်အမျိုးသားအစည်းအရုံး(KNU) တပ်မဟာ(၁) နယ်မြေ ကျိုက်ထိုမြို့နယ်တွင် ဖေဖော်ဝါရီ ၄ရက်က စစ်ကောင်စီ တပ်များ အချင်းချင်းမှားယွင်းပစ်ခတ်ခဲ့ကြပြီး ၂ ဦးထက်မနည်းသေဆုံးကာ ထိခိုက်ဒဏ်ရာရသူများလည်း ရှိကြောင်း KNU ဗဟို သတင်းနှင့် ပြန်ကြားရေးဌာနက ယနေ့ညပိုင်း၌ ထုတ်ပြန်သည်။
ပဲခူးဖက်မှ သထုံမြို့ဖက်သို့ ဦးတည်မောင်းနှင်လာသော စစ်ကောင်စီ ယာဉ်တန်းအား ကရင့်အမျိုးသားလွတ်မြောက် ရေးတပ်မတော် KNLA တပ်ရင်း (၃)နှင့်ပူးပေါင်း တပ်ဖွဲ့များမှ ကြားဖြတ်တိုက်ခိုက်ရာ ကား (၂)စီးထိမှန်ပြီး ထိခိုက်ကျဆုံးမှုများသောကြောင့်နောက်ကြောင်းပြန်လှည့်ရာနောက်တန်းတွင် ရှိနေသော စစ်ကောင်စီတပ်ဖွဲ့များနှင့် အချင်းချင်း မှားယွင်းပစ်ခတ်မှုဖြစ်ခဲ့သည်ဟု ထုတ်ပြန်ချက်တွင် ဖော်ပြထားသည်။
ထိုပစ်ခတ်မှုတွင် KNLA တပ်ရင်း (၃)နှင့် ပူးပေါင်းတပ်ဖွဲ့များ ထိခိုက်မှုမရှိကြောင်း ဖော်ပြထားသည်။
ဖေဖော်ဝါရီလ၄ ရက်နေ့ည ၁၀ နာရီဝန်းကျင်ခန့်တွင်လည်းအာဏာသိမ်း စစ်ကောင်စီ သိမ်ဇရပ်အမြောက် တပ်မှ လက်နက်ကြီးများဖြင့် ရမ်းသမ်းပစ်ခတ်ခဲ့ကြောင်း KNUက ထုတ်ပြန်သည်။
Public Service Announcement
