မြင်းမူတွင်စစ်​ကောင်စီတပ်က PDF အ​ယောင်​ဆောင်ပြီး​နေအိမ်များဖျက်ဆီး၍ ပြည်သူများအလွယ်တကူမယုံဘဲ မသင်္ကာစရာကြုံလျှင်သတင်း​ပေးရန်MMU-PDF ​အသိ​ပေး

ဖေဖော်ဝါရီလ ၃ ရက်နေ့က ပျော့ရွာ-မကျီးကန်လမ်းအတိုင်း ဝင်လာသော အကြမ်းဖက်စစ်ကောင်စီတပ်များမှာ အပြစ်မဲ့ပြည်သူများအား ရိုက်နှက်ဖမ်းဆီးခေါ်ဆောင်သွားပြီး မကျီးကန်ရွာအတွင်းရှိ နေအိမ် ၁ဝ လုံးအား မွှေနှောက်ဖျက်ဆီးကာ တန်ဖိုးရှိပစ္စည်းများ ယူဆောင်သွားခဲ့ကြောင်း၊ ဝင်ရောက်စီးနင်းစဥ် အကြမ်းဖက်စစ်ကောင်စီတပ်များမှာ အရပ်ဝတ်များအပြင် အချို့မှာ PDFဝတ်စုံများဝတ်ဆင်ပြီး ၎င်းတို့မှာ PDFဟုဆိုကာ ပြည်သူများအား လမ်းပြအဖြစ်ခေါ်ဆောင်သွားခဲ့ကြောင်း မြင်းမူမြို့နယ် ပြ​ည်သူ့ကာကွယ်ရေးတပ်ဖွဲ့၏ အသိပေးကြေညာချက်တွင် ရေးသားထားသည်။

ပြည်သူများအနေဖြင့် ​အရပ်ဝတ်နှင့်ဖြစ်စေ၊ ပျောက်ကြားဝတ်စုံ(သို့မဟုတ်) PDFဝတ်စုံ တစ်ခုခုဖြင့်ဖြစ်စေ၊ တစ်စုံတစ်ရာလာရောက်မေးမြန်းစုံစမ်းခဲ့ပါက အလွယ်တကူ ဖြေကြားခြင်းမပြုရန် မေတ္တာရပ်ခံကြောင်း၊ ထိုကဲ့သို့ မသက်ာစရာ ကြုံတွေ့ခဲ့ပါက နီးစပ်ရာအဖွဲ့ဝင်များထံ၊ အဖွဲ့အစည်းခေါင်းဆောင်များထံသို့ ဆက်သွယ်သတင်းပေးကြပါရန် အထူးအသိပေးကြောင်း မြင်းမူမြို့နယ် ပြ​ည်သူ့ကာကွယ်ရေးတပ်ဖွဲ့က ကြေညာသည်။