ပြည်သူ့ကာကွယ်ရေးအဖွဲ့များ အားကောင်းလာပြီး စစ်ကောင်စီ အထိနာ လာပြီးနောက် ရေဦးမြို့မှ Non CDM ဝန်ထမ်းများ ဆက်တိုက်နှုတ်ထွက်စာ တင်လာသည်ဟု ဒေသခံများကပြောသည်။
ရေဦးမြို့ အထွေထွေအုပ်ချုပ်ရေးဦးစီးဌာနနှင့် ပညာရေးဌာနမှ ဝန်ထမ်း ၄၀ နီးပါးသည် ရာထူးတာဝန်မှနှုတ်ထွက်ကြောင်းကို ပြည်သူလူထုအား လူမှုကွန်ရက်မှ တစ်ဆင့် နည်းမျိုးစုံ အသိပေးလာခြင်းဖြစ်သည်။
“ဖေဖော်ဝါရီ ၇ ရက်ကနေစပြီး နှုတ်ထွက်စာတွေ တင်နေကြတာ။ အခုဆို နှစ်ရက်အတွင် ၄၀ ခန့်ရှိလာပြီ။ စစ်ကိုင်းမှာစစ်ကောင်စီရှုံးမှာကိုသိလို့ နှူတ်ထွက်နေကြတာ”ဟု ဒေသခံတစ်ဦးကပြောသည်။
စစ်ကိုင်းတိုင်းအတွင်း ဒေသချင်းထိစပ်နေသော ရေဦး၊ မင်းကင်း၊ဒီပဲယင်း၊ကနီနှင့်တန့်ဆည်မြို့တို့တွင် အကြမ်းဖက်စစ်ကောင်စီက နည်းမျိုးစုံ စစ်ကြောင်း ထိုးနေသော်လည်း ပြည်သူ့ကာကွယ်ရေးတပ်များက စနစ်တကျခုခံ တိုက်ခိုက် နေသည်။ အကြမ်းဖက်စစ်ကောင်စီအား အထိနာအောင် တိုက်ထုတ် နေသလို တစ်ချိန်တည်းတွင် ပြည်သူ့အုပ်ချုပ်ရေးယန္တရား လည်ပတ်အောင် ကြိုးစား နေပြီး Non CDM ဝန်ထမ်းများ အပြီးပိုင် ထွက်ခွာသွားရန် ပြည်သူ့ကာကွယ် ရေးတပ်များကသတိပေးထားသည်။
Public Service Announcement
