စစ်ကိုင်းတိုင်း အရာတော်နှင့် ဝက်လက်မြို့နယ်တွင် အကြမ်းဖက်စစ်ကောင်စီ တပ်ကို မိုင်းဆွဲတိုက်ခိုက်ရာ ခုနစ်ဦးသေဆုံးကြောင်း ဝက်လက်မြို့နယ် ပြည်သူ့ကာကွယ်ရေးအဖွဲ့က ထုတ်ပြန်သည်။
ယနေ့(ဖေဖော်ဝါရီ ၂၈ ရက်) နံနက် ၉ နာရီခွဲခန့်တွင် အရာတော်မြို့နယ် ကူးတို့ကိုင်းကျေးရွာ နှင့် ဇံရစ်ကျေးရွာကြားတွင် ဆီကားဖြင့် လိုက်ပါလာသည့်အကြမ်းဖက်စစ်ကောင်စီ တပ်သားများကို ကားပေါ်မှအဆင်း၌ မိုင်းဆွဲတိုက်ခိုက်ရာစစ်ကောင်စီတပ်သား လေးဦး သေဆုံးခဲ့သည်။
ထို့နောက် နံနက် ၁၁နာရီခန့်တွင် ဝက်လက်မြို့နယ် ရွှေပန်းကုံးကျေးရွာနှင့် သမ္မရိုးကျေးရွာ ကြားတွင် ကင်းပုန်းဝပ်နေသော စစ်ကောင်စီတပ်သားများနှင့် ရွှေပန်းကုံးကျေးရွာဘက်မှ ဆိုင်ကယ်သုံးစီးဖြင့်လာသည့် စစ်ကောင်စီ တပ်သား ငါးဦးကို မိုင်းဆွဲတိုက်ခိုက်ခဲ့သည်ဟုဝက်လက်မြို့နယ်ပြည်သူ့ကာကွယ်ရေးအဖွဲ့က ဆိုသည်။
ထိုဖြစ်စဥ်တွင် စစ်ကောင်စီတပ်မှ ဒုအရာခံဗိုလ်၊တပ်ကြပ်တစ်ဦးနှင့် တပ်သား ၏တစ်ဦး သေဆုံးကာ လေးဦးအပြင်းအထန်ဒဏ်ရာရသည်ဟု ထုတ်ပြန်ချက် တွင် ဖော်ပြသည်။
မိုင်းဆွဲခံရပြီးနောက် ကင်းပုန်းဝပ်နေသော စစ်ကောင်စီတပ်သားများက လမ်းဘေးဝဲယာကို ရမ်းသမ်းပစ်ခတ်ခဲ့ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့သည်ဟု အသိပေးသည်။