မန္တလေးတိုင်း မြင်းခြံခရိုင်တွင် အကြမ်းဖက်စစ်ကောင်စီတပ်အား ခုခံတိုက်ခိုက်ရန်ပြင်ဆင်ရင်း ပြည်သူ့ကာကွယ် ရေးအဖွဲ့ဝင် လူငယ်တစ်ဦး အသက်ပေးလှူသွားခဲ့သည်။
စစ်အာဏာရူးအုပ်စုအား အတူတကွတော်လှန်တိုက်ထုတ်နေသော ညီနောင်မဟာမိတ် 11 Brother Revolution Force (11BRF)အဖွဲ့မှ မိုင်းတပ်သား ရဲဘော်ဟိန်းဇင်ဖြိုး(ခေါင်းရှည်)သည် ဖေဖော်ဝါရီ ၂၈ ရက်က ကျဆုံးသွားခဲ့သောကြောင့် အထူးဝမ်းနည်းကြေကွဲခဲ့ရကြောင်း PDF-TALOKE အဖွဲ့မှ သတင်းထုတ်ပြန်သည်။
“သူက စခတွေ အလာမိုင်းထောင်တာ။ စခတွေက မိုင်းကိုကွင်းပြီး အထိုင်တပ်ထဲ ပြန်ရောက်သွားလို့ မိုင်းပြန်ဖြုတ်ရင်း မတော်တဆပေါက်ကွဲပြီး ကျဆုံးခဲ့ရတာ”ဟု PDF-TALOKE အဖွဲ့ တာဝန်ရှိသူက ပြောသည်။
ဖက်ဆစ်အာဏာရှင်စနစ်အား တော်လှန်တိုက်ခိုက်ရင်း သူရဲကောင်းပီသစွာကျဆုံးခဲ့ရသော ရဲဘော် ဟိန်းဇင်ဖြိုးအား ကျွန်ုပ်တို့ PDF-Talokeမှအလေးနီပြုကြောင်း၊ ရဲဘော်၏ မပြီးဆုံးသေးသော တော်လှန်ရေးတာဝန်များကို ရဲဘော်ကိုယ်စား အဆုံးတိုင် တာဝန်ယူထမ်းဆောင်သွားမည်ဟု ကတိပြုကြောင်း PDF-TALOKE အဖွဲ့က အသိပေးသည်။
Public Service Announcement
ဖေဖော်ဝါရီ ၂၄ ရက်ကလည်း ရန်ကုန်မြို့တွင် YPDF (BaHan) ၏ ခေါင်းဆောင်ကိုဗိုလ်ထက်လင်းသည် လက်လုပ်ဗုံးဆင်ရင်း မတော်တဆပေါက်ကွဲမှုတွင် ဒဏ်ရာအပြင်းစားရ၍ ကျဆုံးသွားခဲ့ရသည်။
