'/%3E%3C/svg%3E){kind=small}
အမျိုးသားညီညွှတ်ရေးအစိုးရ(NUG) ရဲ့ ဝန်ကြီးတွေအပါအဝင် လူပုဂ္ဂိုလ် ၁၀ ဦးကို မြန်မာ နိုင်ငံသားအဖြစ်ကနေ ရပ်စဲလိုက်တယ်လို့ အာဏာလု စစ်ကောင်စီက ကြေညာပါတယ်။
NUG ဝန်ကြီးတွေဖြစ်တဲ့ ဦးရည်မွန် ၊ ဒေါက်တာဇော်ဝေစိုး ၊ ဦးလွင်ကိုလတ် ၊ ဒေါ်ဇင်မာအောင် ၊ ဦးအောင်မျိုးမင်း ၊ မအိသဉ္စာမောင် ၊ ဒေါက်တာဆာဆာ တို့ကို နိုင်ငံသားအဖြစ်က ရပ်စဲတယ်လို့ စစ်ကောင်စီကဆိုပါတယ်။
ဒါအပြင် အဲဒီစာရင်းမှာ ထင်ရှားတဲ့ ၈၈ မျိုးဆက်ကျောင်းသားခေါင်းဆောင်ဦးမင်းကိုနိုင် အပြင် ဦးမျိုးရန်နောင်သိမ်း ၊ မအိပန်ဆယ်လို တို့လည်းပါဝင်တာတွေ့ရပါတယ်။
စစ်ကောင်စီဟာ သူတို့ကိုဆန့်ကျင်သူတွေကို မတရားပုဒ်မတွေကပ်ကာ ဖမ်းဆီးဝရမ်းထုတ်တာတွေရှိနေသလို အိမ်တွေကို ချိတ်ပိတ်တာကိုလည်း လုပ်ဆောင်နေတာဖြစ်ပါတယ်။
Public Service Announcement
