စစ်ကိုင်းတိုင်း ပုလဲမြို့နယ်နှင့် ချောင်းဦးမြို့နယ်အတွင်းဖြစ် ပွားသောတိုက်ပွဲများတွင် စစ်ကောင်စီတပ်သားများနှင့် ပျူစောထီးအဖွဲ့ဝင် ၉၀ ကျော်ကို သုတ်သင်နိုင်ခဲ့ကြောင်း ZERO ပြောက်ကျား တပ်ဖွဲ့က ယနေ့(မတ် ၁၃)ထုတ်ပြန်သည်။
အဆိုပါတိုက်ခိုက်မှုများကို ဖေဖော်ဝါရီလလယ်မှ ယခုမတ်လလယ်အထိ တစ်လအတွင်း ပြု လုပ်ခဲ့သည့်မှတ်တမ်းဖြစ်ပြီး စစ်ကောင်စီတပ် ယာယီတပ်စွဲသည့်နေရာသုံးခုထက်မနည်းကို ဝင်ရောက်စီးနင်းခဲ့ကြောင်း ယင်းအဖွဲ့က ပြောသည်။
“တစ်လအတွင်းဆိုတာက ဖေဖော်ဝါရီလလယ်မှ မတ်လလယ်ထိပါ။ (စီးနင်းမှု) သုံးကြိမ်ပါ။ ကျွန်တော်တို့က စီးနင်းတိုက်ခိုက်တာပါ”ဟု ZERO ပြောက်ကျားတပ်ဖွဲ့မှ ဦးဆောင်သူတစ်ဦးက ပြောသည်။
ZERO ပြောက်ကျားတပ်ဖွဲ့နှင့် နယ်စည်းမခြားမဟာမိတ်ညီနောင်များအဖွဲ့က ပုလဲနှင့် ချောင်းဦးမြို့နယ်များရှိ စစ်ကောင်စီတပ်နှင့် ပျူစောထီးများယာယီတပ်စွဲရာ ဇီးဖြူကုန်းနှင့် ကံကြီးကုန်းကျေးရွာများအနီး နှစ်ကြိမ်စီ ဝင်ရောက်စီးနင်းတိုက်ခိုက်ခဲ့ခြင်းဖြစ်သည်ဟု ၎င်းက ဆက်ပြောသည်။
Public Service Announcement
အဆိုပါတိုက်ခိုက်မှုများအပြီး အောင်ပွဲနှင့်အတူပြန်လာသော တော်လှန်ရေးရဲဘော်များအား ဒေသခံပြည်သူများက အောင်သပြေများနှင့်အတူ ကြိုဆိုပေးခဲ့သည့်အပေါ် ကျေးဇူးတင်ရှိကြောင်းနှင့် တိုက်ပွဲများဆက်လက်အရှိန်မြှင့်သွားမည်ဖြစ်ကြောင်း ZERO ပြောက်ကျားတပ်က အသိပေးထားသည်။
