မန္တလေးတိုင်း၊ တောင်သာမြို့နယ်တွင် ကာကွယ်ဆေးထိုးရန်လာသည့် အကြမ်းဖက်စစ်ကောင်စီတပ်နှင့် ဒေသတွင်း PDF အဖွဲ့တို့ ထိပ်တိုက်တွေ့ပြီး ပစ်ခတ်မှုဖြစ်ပွားရာ အကြမ်းဖက်စစ်ကောင်စီတပ်ဘက်မှ ၂ ဦးသေဆုံးခဲ့ကြောင်း ဒေသတွင်းသတင်းရင်းမြစ်များက ပြောသည်။
ယမန်နေ့(မတ်လ ၁၅ ရက်နေ့)နေ့လယ်ပိုင်းကတောင်သာမြို့နယ်၊ဆီမီးကန်ကျေးရွာအနီး၊ မြင်းခြံ – တောင်သာ – ကျောက်ပန်းတောင်းလမ်းပေါ်တွင် အကြမ်းဖတ်စစ်ကောင်စီလက်အောက်ခံ စစ်သားရဲသားများနှင့် PDF(တောင်သာ) ပစ်ခတ်မှုဖြစ်ပွားခဲ့ခြင်းဖြစ်သည်။
“တခြားမစ်ရှင်တခုကိုသွားလုပ်တာ။ မအောင်မြင်လို့ပြန်လာတဲ့အချိန်လမ်းမှာကာကွယ်ဆေးထိုးဖို့လာတဲ့လုံခြုံရေးတွေ့နဲ့ထိပ်တိုက်တွေ့တာပါ။ ဆိုင်ကယ်နဲ့လာတာဒီဘက်ကအရင်ဆီးပစ်တာ။ လမ်းမှာကပ်အရှောင်သူတို့ဘက်ကမသင်္ကာလို့ ပြန်အလှည့်မှာစဖြစ်တာ။ သူတို့ဘက်ကနှစ်ကောင်လမ်းပေါ်မှာကားသွားတယ်။ ကျုပ်တို့ဘက်ကသေနတ်ကျည်ဂျန့်ဖြစ်သွားလို့။ သူတို့ဒီထက်သေရမှာ။ ရဲဘော်တွေကတော့ ထိခိုက်မိတာမရှိဘူး။ အောင်မြင်စွာဆုတ်ခွာနိုင်ပါတယ်။”ဟု တောင်သာ 
T.T.A ပြောက်ကျားတပ်မှ တာဝန်ရှိသူက ပြောသည်။
အကြမ်းဖက်စစ်ကောင်စီတပ်သားများက ရဲယူနီဖောင်ဝတ် ဆင်ထားခြင်းဖြစ်ပြီးရှစ်ဦးအဖွဲ့နှင့်ထိပ်တိုက်တွေ့ခဲ့ခြင်းဖြစ်ကြောင်းအထက်ပါတာဝန်ရှိသူကဆက်ပြောသည်။
Public Service Announcement
အဆိုပါပစ်ခတ်မှုတွင်ရဲယူနီဖောင်းဝတ်နှစ်ဦးဒဏ်ရာများ ရရှိသွားကြောင်း ဒေသခံအချို့က ပြောသည်။
“ကျုပ်တို့အနေနဲ့လည်းတတ်နိုင်သလောက် ကြိုးစားပြီးတွန်းလှန်နေပါတယ်။ပြည်သူလုထုအနေနဲ့လည်း၀ိုင်း၀န်းကူညီပံ့ပိုးပေးကြပါဦးလို့ အကူညီတောင်းချင်ပါတယ်။ နူတ်ခမ်းနီစျေးတွေတတ်တော့နူတ်ခမ်းနီဖိုးတွေလိုအပ်နေပါတယ်။”ဟု T.T.A ပြောက်ကျားတပ်တာဝန်ရှိသူက ဖြည့်စွက်ပြောသည်။
ပြီးခဲ့သည့်ရက်ပိုင်းအတွင်းကလည်း တောင်သာမြို့နယ်အတွင်း နေရာအချို့တွင် အကြမ်းဖက်စစ်ကောင်စီတပ်က ပြည်သူ၆ဦးထက်မနည်းသတ်ဖြတ်ပြီး လမ်းဘေးတွင်စွန့်ပစ်သွားခဲ့သေးသည်။
