စစ်ကိုင်းတိုင်း မြို့နယ်အချို့တွင် မိုးရွာ၍ မိုင်းအန္တရာယ်ရှိနိုင်သောကြောင့် ပြည်သူများ ခရီးသွားလာခြင်းယာယီရပ်နားထားကြရန် ပြည်သူ့ကာကွယ်ရေးအဖွဲ့များ သတိ​ပေး

▪️မုံရွာမြို့​ပေါ်တွင်လည်း အ​ရေး​ပေါ်ကိစ္စမှလွဲ၍ အပြင်မထွက်ကြရန် သတိ​ပေး

စစ်ကိုင်းတိုင်း မုံရွာမြို့အပါအဝင် စစ်ကိုင်း၊ မြင်းမူ၊ ချောင်းဦး၊ အရာတော်မြို့နယ်များ၌ မိုးရွာ၍ မိုင်းအန္တရာယ်ရှိနိုင်သောကြောင့် ပြည်သူများအ​နေဖြင့် ခရီးသွားလာခြင်းယာယီရပ်နားထားကြပါရန် ပြည်သူ့ကာကွယ်ရေးအဖွဲ့များက မေတ္တာရပ်ခံသည်။

စစ်ကိုင်း၊ မြင်းမူ၊ မုံရွာ၊ ချောင်းဦးမြို့နှင့် အရာတော်မြို့နယ်တို့တွင် မိုးရွာသွန်းလျက်ရှိပါသဖြင့် မိုင်းရှော့ဖြစ်ပြီး မတော်တဆပေါက်ကွဲမှုများ ရှိနိုင်ပါသဖြင့် ပြည်သူများထိခိုက်မှု မရှိစေရန် ‌ခရီးသွားလာခြင်း ယာယီရပ်နားထားကြပါရန်မေတ္တာရပ်ခံကြောင်း စစ်ကိုင်းအခြေစိုက်ပြည်သူ့ကာကွယ်ရေးအဖွဲ့များက သတိပေးကြေညာသည်။

ယနေ့ နံနက် ၁၁နာရီမှစ၍ မုံရွာမြို့​ပေါ်တွင်လည်း အရေးပေါ်ကိစ္စမှအပ အပြင်မထွက်ကြပါရန် Monywa Nightkingအဖွဲ့မှ ဗိုလ်ငချိတ်နှင့် Golden Eagle Force Monywaတို့က မေတ္တာရပ်ခံသည်။

Public Service Announcement

“အရေးပေါ်အခြေအနေမို့ လုံးဝ၊လုံးဝ အပြင်မထွက်ကြဖို့ မေတ္တာရပ်ခံပါတယ်။ အရေးကြီးကိစ္စရှိလျှင်လည်း သတိထားသွားလာကြပါ”ဟု Golden Eagle Force Monywaအဖွဲ့က ပြောသည်။

မုံရွာ – အရာတော်လမ်းပိုင်းနှင့် ဗောဓိတစ်ထောင်လမ်းပိုင်းသို့ မိုင်းများ မိုးရွာ၍ ဂျန့်​ဖြစ်နေသောကြောင့် မိဘပြည်သူများ သွားလာခြင်းမပြုလုပ်ကြပါရန်လည်း မြို့ပြပြောက်ကျားအဖွဲ့ “Black Dragon “အဖွဲ့မှ အသိပေးသည်။

စစ်ကိုင်းတိုင်း မုံရွာ-အမြင့်လမ်းပိုင်းကိုလည်း မိုးရွာ၍ မိုင်းများ ထကွဲနေသောကြောင့် ဖြတ်သန်းသွားလာခြင်းမပြုကြရန် ဒေသတွင်းပြည်သူ့ကာကွယ်ရေးအဖွဲ့များက သတိပေးကြေညာထားသည်။