စစ်ကိုင်းတိုင်း၊ မုံရွာမြို့တွင် ညအချိန်မတော်ပြုလုပ်နေသည့် လောင်းကစားဝိုင်း တစ်ခုအား မြို့ပြ ခြောက်လှန့်သည့်အနေဖြင့် ပစ်ခတ်သတိပေးခဲ့ကြောင်း မြို့ပြပြောက်ကျားတပ်ဖွဲ့များက အသိပေးသည်။
ယမန်နေ့(မတ်လ ၂၅ ရက်)ည ၉ နာရီခန့်က မုံရွာမြို့၊ နန္ဒဝန်၊အမှတ်(၄)၊ နတ်စင်အောက်တွင် ညအချိန်မတော် အောင်စည်လောင်းကစားဝိုင်းများ ဆော့နေသောကြောင့် မဟာမိတ်ညီနောင် သုံးဖွဲ့ပေါင်း၍ အသံဗုံးတစ်လုံး၊သေနတ် ၁ချက် မိုးပေါ်ထောင်ဖောက်ကာသတိပေးခဲ့ကြောင်း၊ ထုတ်ပြန်ထားသောစည်းကမ်းများကို မလိုက်နာခြင်းကြောင့် ယခုကဲ့သို့ ဒဏ်ပေးရ ခြင်းဖြစ်ကြောင်း မြို့ပြပြောက်ကျားအဖွဲ့များက ပြောသည်။
“လောင်းကစားဝိုင်းက ညတိုင်းရှိတာပါဗျ။ အထူးသဖြင့်ရပ်ကွက်က တိုင်ချက်များ လာတာရောကြောင့် တကယ်အရေးယူဖောက်လိုက်တာပါ။ အသံဗုံးစံနတ်တစ်ချက် မိုးပေါ်တစ်လုံးစံနတ်တစ်ချက် မိုးပေါ်ထောင်ဖောက်ကာ ဆောက်ရွက်ခဲ့ပါတယ်”ဟု ဒဿ ပြောက်ကျားတပ်ဖွဲ့ တာဝန်ရှိသူက ပြောသည်။
ဖောက်ခွဲမှုပြုလုပ်ချိန်တွင် ပြည်သူတစ်ဦးတစ်ယောက်မျှ မထိခိုက်ကြောင်း၊သတိပေးထားမှု ကိုလိုက်နာကြရန်နှင့် ဆက်လက်လုပ်ကိုင်နေသောသူများကိုလည်း မဟာမိတ်ညီနောင် (၃) ဖွဲ့မှ ဆက်လက်အရေးယူမှုများ လုပ်ဆောင်သွားမည်ဟု ဒဿပြောက်ကျားတပ်ဖွဲ့က အသိပေးသည်။
Public Service Announcement
ယမန်နေ့ညပိုင်းတိုက်ခိုက်မှုတွင် ဒဿပြောက်ကျားတပ်ဖွဲ့၊ Monywa Generation Tigers ၊ Monywa Special ဒိတ်ဒိတ်ကြဲ PDF အစရှိ သည့်အဖွဲ့များက စုပေါင်းတိုက်ခိုက်ခဲ့ ခြင်းဖြစ်သည်။
