မြန်မာနိုင်ငံတွင် စစ်အာဏာသိမ်းမှုနောက်ပိုင်း နိုင်ငံ တကာအလုပ်သမားစံနှုန်းများကိုလိုက်နာ ခြင်းမရှိသည့်အတွက် စုံစမ်းစစ်ဆေးရေးကော်မရှင်ဖွဲ့စည်းရန် အပြည်ပြည်ဆိုင်ရာအလုပ်သမားရေးရာအဖွဲ့(ILO)က ဆုံးဖြတ်ခဲ့သည်။
ဂျီနီဗာ၌ မတ်လ ၁၅ရက်မှ ၂၅ရက်အထိ ကျင်းပခဲ့သော ILO အုပ်ချုပ်ရေးအဖွဲ့အစည်းအဝေးတွင် အပြည်ပြည်ဆိုင်ရာအလုပ်သမားအရေးနှင့်ပတ်သက်၍ ဆုံးဖြတ် ချက် ၃ရပ်ချမှတ်ခဲ့ရာ မြန်မာ့အလုပ် သမားအရေးချိုးဖောက်မှုများအတွက် စုံစမ်းစစ်ဆေးရေးကော်မရှင်ဖွဲ့စည်းရန် အချက်ပါဝင်ခဲ့ ခြင်းဖြစ်သည်။
အဆိုပါစုံစမ်းစစ်ဆေးရေးကော်မရှင်သည် ILO ၏ အမြင့်ဆုံးအဆင့် စုံစမ်းစစ်ဆေးမှုဆိုင်ရာ လုပ်ငန်းစဉ်ဖြစ်ပြီး သက်ဆိုင်ရာအဖွဲ့ဝင်နိုင်ငံက ဆိုးရွားသည့်ချိုးဖောက်မှုများကျူးလွန်သည်ဟု စွပ်စွဲခံရကာ ယင်းတို့ကို ဖြေရှင်းရန် ကြိမ်ဖန်များစွာ ငြင်းဆန်မှုများကြောင့် ဖွဲ့စည်းရခြင်းဖြစ်သည်။
ကော်မရှင်သည် မြန်မာနိုင်ငံ၌ အသင်းအဖွဲ့လွတ်လပ်စွာဖွဲ့စည်းခွင့်နှင့် စည်းရုံးခွင့်ကာကွယ်ရေးသဘောတူစာချုပ်နှင့် အတင်းအဓမ္မအလုပ်သမားသဘောတူစာချုပ်တို့ကို ချိုးဖောက်မှုများအတွက် စုံစမ်းစစ်ဆေးမည်ဖြစ်သည်။
Public Service Announcement
ထို့အပြင် ILO အုပ်ချုပ်ရေးအဖွဲ့သည် ကလေးငယ်များအပါအဝင် အရပ်သားပြည်သူများအပေါ် ကြီးမားကျယ်ပြန့်စွာ သေစေနိုင်သောအကြမ်းဖက်မှုများ နှင့် မလွှကုန်းမီးရထားသမဂ္ဂအဖွဲ့ဝင် ကို အောင်ကိုလတ်ကို ဖမ်းဆီးခြင်း၊ နှိပ်စက်ခြင်းတို့ကို လွန်စွာစိုးရိမ်ကြောင်း ထုတ်ပြန်သည်။
မြန်မာစစ်တပ်အနေဖြင့် အထက်ပါကျူးလွန်လုပ်ဆောင်မှုများကို ချက်ချင်းရပ်တန့်ရန် ILO အုပ်ချုပ်ရေးအဖွဲ့က တောင်းဆိုသည်။
လက်ရှိအချိန်အထိ ILO က ယင်းသို့သော စုံစမ်းစစ်ဆေးရေးကော်မရှင် ၁၄ ခု ဖွဲ့စည်းခဲ့ပြီးဖြစ်သည်။
