Connect with us

Hi, what are you looking for?

LuduNwayOo

News

စစ်တပ်အာဏာသိမ်းပြီးနောက်ပိုင်း အလုပ်သမားစံနှုန်းချိုးဖောက်ခံရမှုများအတွက် စုံစမ်းစစ်ဆေးရေးကော်မရှင်ဖွဲ့စည်းမည်ဟု ILOဆုံးဖြတ်

ကော်မရှင်သည် မြန်မာနိုင်ငံ၌ အသင်းအဖွဲ့လွတ်လပ်စွာဖွဲ့စည်းခွင့်နှင့် စည်းရုံးခွင့်ကာကွယ်ရေးသဘောတူစာချုပ်နှင့် အတင်းအဓမ္မအလုပ်သမားသဘောတူစာချုပ်တို့ကို ချိုးဖောက်မှုများအတွက် စုံစမ်းစစ်ဆေးမည်ဖြစ်သည်။

(မတ်လ ၂၁ရက်က Food Panda လုပ်သားများ လုပ်ခလစာညှိနှိုင်းရန် ဗဟန်းမြို့နယ် ဗိုလ်စိန်မှန်ကွင်း၌ စု​ဝေး​နေစဥ် စစ်​ကောင်စီတပ်သားများ လာ​ရောက်၍ ပုံစံထိုင်ခိုင်းပြီး ခြိမ်း​ခြောက်​နေစဥ်)

မြန်မာနိုင်ငံတွင် စစ်အာဏာသိမ်းမှုနောက်ပိုင်း နိုင်ငံ တကာအလုပ်သမားစံနှုန်းများကိုလိုက်နာ ခြင်းမရှိသည့်အတွက် စုံစမ်းစစ်ဆေးရေးကော်မရှင်ဖွဲ့စည်းရန် အပြည်ပြည်ဆိုင်ရာအလုပ်သမားရေးရာအဖွဲ့(ILO)က ဆုံးဖြတ်ခဲ့သည်။

ဂျီနီဗာ၌ မတ်လ ၁၅ရက်မှ ၂၅ရက်အထိ ကျင်းပခဲ့သော ILO အုပ်ချုပ်ရေးအဖွဲ့အစည်းအဝေးတွင် အပြည်ပြည်ဆိုင်ရာအလုပ်သမားအရေးနှင့်ပတ်သက်၍ ဆုံးဖြတ် ချက် ၃ရပ်ချမှတ်ခဲ့ရာ မြန်မာ့အလုပ် သမားအရေးချိုးဖောက်မှုများအတွက် စုံစမ်းစစ်ဆေးရေးကော်မရှင်ဖွဲ့စည်းရန် အချက်ပါဝင်ခဲ့ ခြင်းဖြစ်သည်။

အဆိုပါစုံစမ်းစစ်ဆေးရေးကော်မရှင်သည် ILO ၏ အမြင့်ဆုံးအဆင့် စုံစမ်းစစ်ဆေးမှုဆိုင်ရာ လုပ်ငန်းစဉ်ဖြစ်ပြီး သက်ဆိုင်ရာအဖွဲ့ဝင်နိုင်ငံက ဆိုးရွားသည့်ချိုးဖောက်မှုများကျူးလွန်သည်ဟု စွပ်စွဲခံရကာ ယင်းတို့ကို ဖြေရှင်းရန် ကြိမ်ဖန်များစွာ ငြင်းဆန်မှုများကြောင့် ဖွဲ့စည်းရခြင်းဖြစ်သည်။

ကော်မရှင်သည် မြန်မာနိုင်ငံ၌ အသင်းအဖွဲ့လွတ်လပ်စွာဖွဲ့စည်းခွင့်နှင့် စည်းရုံးခွင့်ကာကွယ်ရေးသဘောတူစာချုပ်နှင့် အတင်းအဓမ္မအလုပ်သမားသဘောတူစာချုပ်တို့ကို ချိုးဖောက်မှုများအတွက် စုံစမ်းစစ်ဆေးမည်ဖြစ်သည်။

ထို့အပြင် ILO အုပ်ချုပ်ရေးအဖွဲ့သည် ကလေးငယ်များအပါအဝင် အရပ်သားပြည်သူများအပေါ် ကြီးမားကျယ်ပြန့်စွာ သေစေနိုင်သောအကြမ်းဖက်မှုများ နှင့် မလွှကုန်းမီးရထားသမဂ္ဂအဖွဲ့ဝင် ကို အောင်ကိုလတ်ကို ဖမ်းဆီးခြင်း၊ နှိပ်စက်ခြင်းတို့ကို လွန်စွာစိုးရိမ်ကြောင်း ထုတ်ပြန်သည်။

မြန်မာစစ်တပ်အနေဖြင့် အထက်ပါကျူးလွန်လုပ်ဆောင်မှုများကို ချက်ချင်းရပ်တန့်ရန် ILO အုပ်ချုပ်ရေးအဖွဲ့က တောင်းဆိုသည်။

လက်ရှိအချိန်အထိ ILO က ယင်းသို့သော စုံစမ်းစစ်ဆေးရေးကော်မရှင် ၁၄ ခု ဖွဲ့စည်းခဲ့ပြီးဖြစ်သည်။

You May Also Like

သတင်း

တိုင်းဒေသကြီး၊ ပြည်နယ်လွှတ်တော် လွှတ်တော် ကိုယ်စားလှယ် (၆၁၃)ဦးတွင် အဖမ်းဆီးခံရသူ (၈၅) ဦး၊ ဖမ်းဆီးခံရနေရစဥ်အတွင်း ဆေးကုသခွင့်မရသဖြင့် ကွယ်လွန်သူ (၂) ဦးနှင့် ပြန်လည်လွတ်မြောက်သူ (၂၆) ဦးရှိကြောင်း အစီရင်ခံစာ၌ ပါရှိသည်။

သတင်း

ကုလသမဂ္ဂရဲ့ မူးယစ်ဆေးဝါးနဲ့ ရာဇဝတ်မှုဆိုင်ရာရုံးက (UNODC)ကတော့စစ်အာဏာသိမ်းမှုအပြီးနိုင်ငံစီးပွားရေးစိုက်ဆင်းသွားခြင်းက တောင်သူတွေ ဘိန်းစိုက်ပျိုးမှုဆီ ပြန်ဦးလှည့်သွားစေတဲ့ အဓိက အကြောင်းရင်းတစ်ခု ဖြစ်နိုင်ကြောင်း ပြောပါတယ်။

သတင်း

ထို့ပြင် NCA အထိမ်းအမှတ် ဂုဏ်ပြုမှုကိုပါဝင်တက်ရောက်ရန် လိုအပ်၍ တက်ရောက်ရခြင်းဖြစ် ကြောင်း၊ NCA သည် ပြည်တွင်း ငြိမ်းချမ်းရေးကို ပြန်လည် အစပျိုးတည်ဆောက်ရန် လမ်းစပင်ဖြစ်ကြောင်း PPSTက ထုတ်ပြန်ခဲ့သည်။

သတင်း

အဆိုပါ ဆန္ဒပြလှုပ်ရှားမှုကို ကမ္ဘာလုံးဆိုင်ရာသမဂ္ဂ (UNI)၊ အပြည်ပြည်ဆိုင်ရာဝန်ဆောင်မှုလုပ်ငန်းများအဖွဲ့(PSI) နှင့် အစားအသောက်၊ လယ်ယာမြေနှင့် ဟိုတယ်လုပ်ငန်းများသမဂ္ဂ (IUF) အဖွဲ့တို့ ပူးပေါင်း၍ တောင်းဆိုခဲ့ကြခြင်း ဖြစ်ကြောင်း IndustriALL Global Union အဖွဲ့အစည်း က ဖော်ပြခဲ့သည်။