လက်နက်ခဲယမ်းပါလာမှုအပေါ်မူတည်ပြီး ဆုငွေပေးမည်ဟုဆို
ပြည်သူလူထုအား ညှဉ်းပန်းနှိပ်စက်သတ်ဖြတ်နေသော အကြမ်းဖက် စစ်ကောင်စီ၏ လက်ပါးစေအဖြစ် ဆက်လက်မလုပ်ကိုင်လိုဘဲ ပြည်သူ့ရင်ခွင်သို့ ခိုလှုံလိုသော တပ်မတော် သားများအနေဖြင့် အလင်းဝင်လိုပါက ဆက်သွယ်နိုင် ကြောင်း ကျိုက်ထိုတော်လှန်ရေး အင်အားစု(KRF)က ယနေ့ထုတ်ပြန်သည်။
KRF နှင့်ဆက်သွယ်ပြီး အလင်းဝင်လာသည့်တပ်မတော်သားများအား လုံခြုံစိတ်ချရသော လွတ်မြောက်နယ်မြေသို့လည်းကောင်း၊ မိမိသွားလိုသော အရပ်ဒေသသို့လည်းကောင်း ဘေးအန္တရာယ်ကင်းစွာ ချိတ်ဆက်ပို့ဆောင်ပေး မည်ဟုဖော်ပြထားသည်။
လူနှင့်အတူ လက်နက်ပါ တပါတည်း ယူဆောင်လာပါက လက်နက်ငယ် တစ်လက်လျှင် သိန်း ၃၀ကျပ်၊ လက်နက်ကြီး ( RPG, 40 mm, 60 mm) တစ်လက်လျှင် ကျပ်သိန်း ၅၀၊ ကျည်ဘောက် (Magazine) တစ်ခုလျှင် ငါးသောင်းကျပ်၊ လက်နက်ငယ်ကျည်ဆံ တစ် တောင့်လျှင် ၅၀၀ကျပ်၊ လက်နက်ကြီး ကျည်ဆံ ( RPG, 40 mm, 60 mm) တစ်ခုလျှင် ငါးသောင်းကျပ်၊ လက်ပစ်ဗုံးသီး တစ်လုံးလျှင် တစ်သောင်းကျပ်ဖြင့် အသီးသီးပေးအပ်ချီး မြှင့်သွားမည်ဟု KRFက ကြေညာခဲ့သည်။
Public Service Announcement
အလင်းဝင်လိုသော တပ်မတော်သားများအနေဖြင့် KRF ပေ့ချ်၏ မက်ဆင်ဂျာတွင် လာရောက် စာရင်းပေးနိုင်ကြောင်း အသိပေးထားသည်။
