အင်းစိန်ထောင်မှ မတရားဖမ်းဆီးခံရသူများအတွက် ရန်ကုန်လူငယ်များ ချီတက်ဆန္ဒပြ

အင်းစိန်ထောင်မှ မတရားဖမ်းဆီးခံထားရသူများအတွက် ရန်ကုန်မြို့ရှိ လူငယ်များက မဂ်လာတောင်ညွှန့်မြို့နယ်၌ ယနေ့ ချီတက်ဆန္ဒပြခဲ့ကြသည်။

အဆိုပါသပိတ်တွင် မြို့နယ်အသီးသီးမှ လူငယ် ၅၀ ကျော် ပါဝင်ပြီး မတရားဖမ်းဆီးခံထားရသည့် ခေါင်းဆောင်များ၊ ကျောင်းသားပြည်သူများကို လွှတ်ပေးရေး ကြွေးကြော်ဆန္ဒပြခဲ့ကြသည်။

ယနေ့ နံနက်ပိုင်းတွင် ရန်ကုန်၊ အင်းစိန်ထောင်တွင်းမှ စစ်အာဏာရှင်ဖြုတ်ချရေး၊ ဒို့အရေး ကြွေးကြော်သံများနှင့် သွေးသစ္စာသီချင်း သံပြိုင်ဟစ်ကြွေးသံများ ကျယ်လောင်စွာ ထွက်ပေါ်ခဲ့သည်။

စစ်ခေါင်းဆောင်များက ၎င်းတို့၏ ကိုယ်ကျိုးစီးပွားအတွက်ဖေဖော်ဝါရီ ၁ ရက်တွင် နိုင်ငံတော်အာဏာကို မတရားသဖြင့်အတင်းအဓမ္မသိမ်းယူထားသည်မှာ ၁၇၃ ရက်ရှိပြီဖြစ်သည်။

Public Service Announcement

စစ်ကောင်စီတပ်ဖွဲ့ဝင်များက တိုက်ပွဲသုံးလက်နက်များကိုအသုံးပြု၍ ဆန္ဒပြပြည်သူများကို ပစ်ခတ်သတ်ဖြတ်နေသော်လည်းပြည်သူများက စစ်အာ ဏာရှင်စနစ်အလိုမရှိကြောင်းငြိမ်းချမ်းသောနည်းလမ်းမျိုးစုံဖြင့် လမ်းပေါ်ထွက်၍ နိုင်ငံတစ်ဝန်း ဆန္ဒထုတ်ဖော်နေကြသည်မှာလည်း ၁၇၀ ရက်ရှိပြီဖြစ်သည်။