စစ်ကိုင်းတိုင်း မင်းကင်းမြို့နယ် တောင်တွင်းဒေသ၊ထုံးကြီးကျေးရွာတိုက်ပွဲတွင် ရဲဘော် ဝေယံစိုး(ခ)ဒဿ ကျဆုံးခဲ့ကြောင်း KLG PDF က ယနေ့(ဧပြီ ၆ ရက်) ထုတ်ပြန်သည်။
“တိုက်ပွဲမှာ ပြန်ဆုတ်ရင်းနဲ့ ဖမ်းခံလိုက်ရတာ။ ဖြစ်ချင် တော့ လက်ထဲ ကျည်မရှိတဲ့အချိန် ဖြစ်သွားတယ်။ပြန်ခုခံစရာမရှိဘဲ အသက်ပေးလိုက်ရတယ်။မနေ့က သဂြိုလ် ပြီးစီးခဲ့တယ်”ဟု KLG တာဝန်ရှိသူက လူထုနွေဦးသို့ ပြောသည်။
ကျဆုံးရဲဘော် ဝေယံစိုး(ခ)ဒဿသည် KLG ၏ တိုက်ပွဲ အများစုတွင် ပါဝင်ခဲ့သူဖြစ်ပြီး စစ်ကောင်စီတပ်သားနှင့် ပျူစောထီး ကိုးဦးကို ရှင်းလင်းနိုင်ခဲ့သူဖြစ်ကြောင်းလည်း ၎င်းက ဆိုသည်။
ယခုလ ၄ ရက် နံနက် ၅ နာရီခန့်က တောင်တွင်းဒေသ ထုံးကြီးကျေးရွာသို့ နယ်မြေရှင်းလင်းရန်အင်အား ၅၀ခန့်ပါသည့် စစ်ကောင်စီနှင့် ပျူစောထီး အဖွဲ့ကို KLG PDF ၊ ရွေသမင်မုဆိုးPDF နှင့် ဒေသခံ(ပကဖ)အဖွဲ့များပူးပေါင်း၍ တိုက်ခိုက်ခဲ့ခြင်းဖြစ်သည်။
Public Service Announcement
တိုက်ပွဲအတွင်း စစ်အုပ်စုမှ ငါးဦးသေဆုံးခဲ့ပြီး KLG PDF မှ ရဲဘော် ဝေယံစိုး(ခ)ဒဿ ကျဆုံးခဲ့ရသည်။
ကျဆုံးသွားသော ရဲဘော် ဝေယံစိုး(ခ)ဒဿ အား ကျန်ရစ်သူ မိသားစုနှင့်အတူ ထပ်တူဝမ်းနည်းကြွေကွဲရပြီး ကျောက်လုံးကြီးKLG PDFအဖွဲ့မှ အလေးနီပြုကြောင်း ထုတ်ပြန်ချက်၌ ဖော်ပြသည်။
စစ်ကိုင်းတိုင်း မင်းကင်း၊ယင်းမာပင် နှင့် ကနီဒေသတွင် အကြမ်းဖက်စစ်ကောင်စီတပ်နှင့် ထိတွေ့တိုက်ပွဲများ မကြာခဏ ရှိနေသောကြောင့် ခဲယမ်း၊ကျည် လိုအပ်မှုများ ပြားနေမှုကြောင့် ပြည်သူလူထုအနေဖြင့် ကူညီပေးရန်လည်း KLG က မေတ္တာရပ်ခံသည်။
