မကွေးတိုင်း ငဖဲမြို့နယ်တွင် အကြမ်းဖက်စစ်ကောင်စီတပ်၏ စစ်ကြောင်းကို စောင့်ကြိုတိုက် ခိုက်ခဲ့ကြောင်း ဒေသကာကွယ်ရေးတပ်ဖွဲ့ People’s Revolution Alliance(PRA Magway) က ယနေ့(ဧပြီ ၈)ထုတ်ပြန်သည်။
စစ်ကောင်စီတပ်စစ်ကြောင်းသည် ယမန်နေ့ နံနက် ၇နာရီခွဲခန့်တွင် ငဖဲမြို့နှင့် (၁၆)မိုင်ခန့် အကွာတွင်ရှိသော ရေယာဥ်တောင်ကြောသို့ ရောက်ရှိလာစဥ် တိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
တိုက်ခိုက်ခံရမှုကြောင့် အကြမ်းဖက်စစ်ကောင်စီတပ်မှ အသေအပျောက် များနိုင်သော်လည်း ကာပစ်၍ ပြန်ဆုတ်သွားရာ ရန်သူထိခိုက်သေဆုံးမှုကို အတိအကျမသိရသေးကြောင်း ထုတ်ပြန်သည်။
စစ်ကောင်စီတပ်များပြန်လည်ဆုတ်စဥ် စေတုတ္တရာမြို့နယ်၊ သက္ကယ်ကျင်း ကျေးရွာ အနောက်ဘက်သို့ လက်နက်ကြီးပစ်ခတ်မှုများရှိခဲ့ပြီး ငဖဲမြို့နယ်မှ ခါကျင်ရွာနှင့် ရှစ်ခုရွာတို့ကို မီးရှို့ဖျက်ဆီးခဲ့ကြောင်း PRA က အသိပေးသည်။
Public Service Announcement
အင်အား ၆၀၀ခန့်ပါဝင်သော အကြမ်းဖက်စစ်ကောင်စီတပ်သည် ငဖဲမြို့နယ် အတွင်းသို့ ဧပြီ ၆ ရက်ကစပြီး စစ်ကြောင်းထိုးလျက်ရှိရာ PRA Magway နှင့် ဒေသကာကွယ်ရေးတပ်များ ပူးပေါင်းတိုက်ခိုက်မှုကြောင့် ၂၀ဦးထက်မနည်း သေဆုံးခဲ့သည်။
