က​လေးမြို့နယ်တွင် CDF(KKG)၊ CNDF ပူး​ပေါင်းအဖွဲ့နှင့်စစ်​ကောင်စီတပ် တိုက်ပွဲသုံးကြိမ်ဖြစ် စစ်သား ၁၀ဦး​သေ

အကြမ်းဖက်စစ်ကောင်စီတပ်နှင့်ဒေသခံပြည်သူကာကွယ်ရေးတပ်များကြား ဧပြီ၁၀ ရက်က သုံးကြိမ်တိုက်ပွဲဖြစ်ပွားရာ အကြမ်းဖက်စစ်ကောင်စီတပ်ဘက် ၁၀ဦးသေဆုံးခဲ့ကြောင်း ဒေသခံကာကွယ်ရေးတပ်များက ထုတ်ပြန်သည်။

ကလေးမြို့တောင်ပိုင်းတွင်ချင်းအမျိုးသားကာကွယ်​ရေးတပ်- CNDFနှင့် ချင်း​ဒေသကာကွယ်​ရေးတပ်-CDF(ကလေး၊ ကဘော်၊ ဂန့်ဂေါ)ပူး​ပေါင်းအဖွဲ့နှင့်အကြမ်းဖက်စစ်ကောင်စီတို့ကြား သုံးကြိမ်ထိတွေ့ခဲ့ခြင်းဖြစ်သည်။

ဧပြီ၁၀ ရက် နံနက် ၁၁နာရီခန့်တွင် ကလေးမြို့တောင်းပိုင်း ရန်ကြီးအောင်ရွာ ကလေးမြို့သို့ ထွက်ခွာလာသည့် အင်အား ၁၄၀ခန့်ရှိသည့် စစ်ကောင်စီကို ဟဲလုပ်ရွာအနီးတွင် CDF(KKG)နှင့် CNDF တို့က ခြုံခိုတိုက်ခိုက်ခဲ့ရာအကြမ်းဖက်စစ်ကောင်စီတပ်သား ၄ဦးသေဆုံးခဲ့သည်။

ထိုအတူ မွန်းလွဲပိုင်းတွင် အကြမ်းဖက်စစ်ကောင်စီတပ်နှင့် CNDFနှင့် CDF(KKG) ပူး​ပေါင်းတပ်တို့ကြား ပန်းမွန်ချောင်းအနီးတွင် တိုက်ပွဲဖြစ်ပွားရာ အကြမ်းဖက်စစ်ကောင်စီတပ်ဘက်မှာ ၂ နှစ်ဦးထပ်မံသေဆုံးခဲ့သည်။

Public Service Announcement

အလားတူ ညနေ ၄နာရီခန့်တွင် နတ်ချောင်းရွာအနီးတွင် CDF(KKG)၊CNDFပူး​ပေါင်းအဖွဲ့နှင့် စစ်​ကောင်စီတပ်တို့ကြားတိုက်ပွဲထပ်မံဖြစ်ပွားရာ အကြမ်းဖက်စစ်ကောင်စီတပ်က ၄ဦးထပ်မံသေဆုံးခဲ့သည်။

ကလေးမြို့နယ်တောင်ပိုင်း၌ တိုက်ပွဲအခြေအနေတင်းမာမှုများပိုမိုဖြစ်ပေါ်လာနိုင်တာကြောင့်ဧပြီ၉ ရက်မှစတင်ပြီး ရက်သတ္တ(၁)ပတ်အတွင်း ကလေး-ဂန့်ဂေါလမ်း၌ သွားလာခြင်းများ လုံးဝမပြုလုပ်ကြပါရန်ဒေသခံပြည်သူ့ကာကွယ်ရေးတပ်များက ပြည်သူများသို့ သတိပေးမေတ္တာရပ်ခံထားသည်။